Environmentalist GD Agarwal dead at the age of 86 | गंगा स्वच्छतेसाठी उपोषणाला बसलेल्या जी. डी. अग्रवाल यांचं 111 व्या दिवशी निधन
गंगा स्वच्छतेसाठी उपोषणाला बसलेल्या जी. डी. अग्रवाल यांचं 111 व्या दिवशी निधन

हरिद्वार: गंगा नदीच्या स्वच्छतेसाठी उपोषणाला बसलेले पर्यावरणवादी जी. डी. अग्रवाल यांचं निधन झालं आहे. उपोषणाच्या 111 व्या दिवशी त्यांनी अखेरचा श्वास घेतला. ते 86 वर्षांचे होते. त्यांनी मंगळवारपासून पाणी पिण्यासदेखील नकार दिला होता. त्यानंतर दुसऱ्याच दिवशी प्रशासनानं त्यांना जबरदस्तीनं ऋषिकेश येथील एम्समध्ये दाखल केलं. जी. डी. अग्रवाल हे ज्ञानस्वरूप सानंद नावानंदेखील ओळखले जायचे. 

जी. डी. अग्रवाल गंगा कायदा लागू करण्याच्या मागणीसाठी 22 जूनपासून उपोषणाला बसले होते. मातृसदन येथे त्यांचं उपोषण सुरू होतं. मंगळवार त्यांनी जल त्याग केला. हरिद्वारचे खासदार डॉ. रमेश पोखरियाला निशंक यांनी त्यांना जल त्याग न करण्याची विनंती केली होती. मात्र निशंक यांची ही विनंती अग्रवाल यांनी मान्य केली नाही. केंद्रीय मंत्री नितीन गडकरी यांनीदेखील त्यांच्या प्रतिनिधींना पाठवून अग्रवाल यांना उपोषण सोडण्याची विनंती केली होती. 

English summary:
An environmentalist GD. Agarwal who was on hunger strike to clean the Ganges river passed away. He breathed his last on the 111th day of fasting. He was 86 years old.


Web Title: Environmentalist GD Agarwal dead at the age of 86
Get Latest Marathi News & Live Marathi News Headlines from Politics, Sports, Entertainment, Business and local news from all cities of Maharashtra.