दुचाकीवरून आलेल्या अज्ञातांनी बॉडी बिल्डरची केली हत्या

बंगळुरुतील शिवाजीनगर परिसरात एका 30 वर्षीय बॉडी बिल्डरची हत्या करण्यात आल्याची धक्कादायक घटना समोर आली आहे. सोमवारी मध्यरात्री तीन अज्ञात आरोपींनी धारदार शस्त्राने वार करुन बॉडी बिल्डरची हत्या केली आहे.

ठळक मुद्देबंगळुरुतील शिवाजीनगर परिसरात एका 30 वर्षीय बॉडी बिल्डरची हत्या करण्यात आल्याची धक्कादायक घटना समोर आली आहे.तीन अज्ञात आरोपींनी धारदार शस्त्राने वार करुन बॉडी बिल्डरची हत्या केली आहे.सय्यद इरफान असे  बॉडी बिल्डरचे नाव असून तो जीम ट्रेनर म्हणूनही काम करत होता.

बंगळुरु - बंगळुरुतील शिवाजीनगर परिसरात एका 30 वर्षीय बॉडी बिल्डरची हत्या करण्यात आल्याची धक्कादायक घटना समोर आली आहे. सोमवारी मध्यरात्री तीन अज्ञात आरोपींनी धारदार शस्त्राने वार करुन बॉडी बिल्डरची हत्या केली आहे. सय्यद इरफान असे  बॉडी बिल्डरचे नाव असून तो जीम ट्रेनर म्हणून काम करत होता. तसेच सय्यदचे माशाचे एक दुकानही होते. 

पोलिसांनी दिलेल्या माहितीनुसार, सय्यद सोमवारी रात्री कामावरून घरी परतत असताना दुचाकीवरून आलेल्या तीन जणांनी त्याला गाठले. सय्यदवर धारदार शस्त्राने वार केले. या हल्ल्यात तो गंभीर झाला होता. मात्र त्याने कुटुंबियांना फोन करुन त्याच्यावर झालेल्या  हल्ल्याची माहिती दिली. कुटुंबिय घटनास्थळी पोहोचले तेव्हा सय्यद तिथे रक्ताच्या थारोळयात पडला होता. उपचारासाठी त्याला तातडीने जवळच्या रुग्णालयात दाखल करण्यात आले. मात्र डॉक्टरांनी त्याला मृत घोषित केले. याप्रकरणी शिवाजीनगर पोलीस ठाण्यात गुन्हा दाखल करण्यात आला असून पोलीस हल्लेखोरांचा शोध घेत आहेत.