राज्य उत्पादन शुल्क विभागाने केला शिरपूरमधील बनावट मद्यनिर्मितीचा कारखाना सील

नाशिक : राज्य उत्पादन शुल्क विभागाने शिरपूर तालुक्यातील जोयदा शिवारात सुरू असलेला बनावट मद्यनिर्मितीचा कारखाना उद्ध्वस्त केला आहे़ या ठिकाणाहून २ लाख ६५ हजार ५०० रुपये किमतीचे निर्मिती आणि बोटलिंगचे साहित्य जप्त करण्यात आले आहे़ या प्रकरणी संशयित घरमालक जाड्या हैदऱ्या पावरा व त्याच्या साथीदाराविरोधात गुन्हा दाखल केला आहे़

ठळक मुद्देबनावट मद्य निमीर्तीचा कारखाना ; २ लाख ६५ हजार रुपये किमतीचे साहित्य जप्त

नाशिक : राज्य उत्पादन शुल्क विभागाने शिरपूर तालुक्यातील जोयदा शिवारात सुरू असलेला बनावट मद्यनिर्मितीचा कारखाना उद्ध्वस्त केला आहे़ या ठिकाणाहून २ लाख ६५ हजार ५०० रुपये किमतीचे निर्मिती आणि बोटलिंगचे साहित्य जप्त करण्यात आले आहे़ या प्रकरणी संशयित घरमालक जाड्या हैदऱ्या पावरा व त्याच्या साथीदाराविरोधात गुन्हा दाखल केला आहे़

उपआयुक्त प्रसाद सुर्वे यांना जोयदा येथील लालमाती शिवारात बनावट मद्य निमीर्तीचा कारखाना सुरू असल्याची माहिती मिळाली होती. त्यानुसार नाशिकच्या विभागीय भरारी पथकाने शुक्रवारी (दि़१३) या ठिकाणी छापा टाकला़ जोयदा ग्रामपंचायत हद्दीतील घर नं. ३१ मध्ये छापा टाकून तयार देशी दारूचे २०० लिटरचे दोन बॅलर, बॉटलिंग मशीन, इलेक्ट्रिक मोटार तसेच डबल बॉटलिंग मशीनसह इलेक्ट्रिक मोटार, डिझेल जनरेटर, टॅगो पंच नावाचे ५ हजार बोटलिंग बुचचे (झाकण) सत्रा देशी दारूचे पाच हजार लेबल, रॉकेट संत्रा दारूचे शंभर रिकामे कागदी बॉक्स, दारूत मिसळण्यासाठी लागणारे ३ लिटर इन्सेस, एक हजार लिटर क्षमतेचे दोन बॅरल, २०० लिटर क्षेमतेचे रिकामे प्लॅस्टिक बॅरल असा एकूण २ लाख ६५ हजार ५०० रुपये किमतीचा मुद्देमाल जप्त करण्यात आला.

दुय्यम निरीक्षक डी. एन. पोटे, एस. एस. रावते, जवान कैलास कसबे, अमित गांगुर्डे, दीपक आव्हाड, विठ्ठल हाके आदींच्या पथकाने केली. दरम्यान, संशयित फरार झाले असून त्यांचा शोध सुरू आहे़