शुभम महाकाळकर खून प्रकरणात उज्ज्वल निकम सरकारी वकील
By लोकमत न्यूज नेटवर्क | Published: May 5, 2018 01:21 AM2018-05-05T01:21:13+5:302018-05-05T01:21:24+5:30
शुभम महाकाळकर खून प्रकरणात सरकारच्या वतीने बाजू मांडण्यासाठी प्रसिद्ध फौजदारी वकील उज्ज्वल निकम यांची नियुक्ती करण्यात आली आहे. आरोपींना कठोर शिक्षा व्हावी व शुभमच्या कुटुंबीयांना न्याय मिळावा यासाठी सरकारने हा निर्णय घेतला आहे.
शुभम महाकाळकर खून प्रकरणात उज्ज्वल निकम सरकारी वकील
Next ठळक मुद्देलक्ष्मीभुवन चौकात झाला होता खूनआमदार कृष्णा खोपडे यांच्या मुलांचा मृत शुभम मित्र होता
लोकमत न्यूज नेटवर्क
नागपूर : शुभम महाकाळकर खून प्रकरणात सरकारच्या वतीने बाजू मांडण्यासाठी प्रसिद्ध फौजदारी वकील उज्ज्वल निकम यांची नियुक्ती करण्यात आली आहे. आरोपींना कठोर शिक्षा व्हावी व शुभमच्या कुटुंबीयांना न्याय मिळावा यासाठी सरकारने हा निर्णय घेतला आहे.
नोव्हेंबर-२०१६ मध्ये धरमपेठेतील लक्ष्मीभुवन चौकात शुभमचा खून झाला होता. हे प्रकरण जलदगती न्यायालयात चालविण्यासाठी व अ‍ॅड. उज्ज्वल निकम यांची विशेष सरकारी वकील म्हणून नियुक्ती करण्यासाठी आमदार कृष्णा खोपडे यांनी मुख्यमंत्री देवेंद्र फडणवीस यांना निवेदन सादर केले होते. त्यानुसार सरकारने हा निर्णय घेतला. यासंदर्भात विधी व न्याय विभागाने शुक्रवारी आदेश जारी केला.