एसटी कर्मचा-यांची संपाची नोटीस, १६ आॅक्टोबरच्या मध्यरात्रीपासून जाणार संपावर

राज्य परिवहन महामंडळातील आगार, विभाग, मध्यवर्ती कार्यशाळा व कार्यालयामधील कर्मचारी १६ आॅक्टोबरच्या मध्यरात्रीपासून संपावर जाणार असल्याची नोटीस महाराष्ट्र स्टेट ट्रान्सपोर्ट कामगार संघटनेने (मान्यताप्राप्त) शुक्रवारी दिली आहे.

मुंबई : राज्य परिवहन महामंडळातील आगार, विभाग, मध्यवर्ती कार्यशाळा व कार्यालयामधील कर्मचारी १६ आॅक्टोबरच्या मध्यरात्रीपासून संपावर जाणार असल्याची नोटीस महाराष्ट्र स्टेट ट्रान्सपोर्ट कामगार संघटनेने (मान्यताप्राप्त) शुक्रवारी दिली आहे. ऐन दिवाळीच्या रात्री एसटी कामगार संपावर जाणार असल्याने प्रवाशांचे हाल होणार आहेत. दरम्यान, संप मोडून काढण्यासाठी सरकारने एसटी सेवेचा समावेश लोकोपयोगी सेवेत करण्याचा निर्णय घेतला आहे. त्यामुळे संपकरी कामगारांवर कारवाई करण्याचा अधिकार सरकारला प्राप्त होणार आहे. सातव्या वेतन आयोगाची मागणी करत एसटी कर्मचाºयांनी हा संप पुकारला आहे.