मुले चोरणारे समजून बेदम मारहाण

सध्या मुले चोरणारी टोळी फिरत असल्याची अफवा पसरली आहे. याच संशयावरुन भीक मागणाऱ्या दोन महिला आणि दोन मुलांना जमावाने बेदम मारहाण केल्याची घटना शनिवारी बसस्थानक परिसरात घडली.

लोकमत न्यूज नेटवर्क
मंठा : तालुक्यात सध्या मुले चोरणारी टोळी फिरत असल्याची अफवा पसरली आहे. याच संशयावरुन भीक मागणाऱ्या दोन महिला आणि दोन मुलांना जमावाने बेदम मारहाण केल्याची घटना शनिवारी बसस्थानक परिसरात घडली.
ईद सणानिमित्त सविता राजू चव्हाण (२२) (रा. चारठाणा जिंतूर जि. परभणी), हेमा भगवान पवार रा. ब-हारपूर (ता. लोणार जि. बुलडाणा) तसेच सचिन रामभाऊ पाटोळे, संभाजी संजय पारखे (रा. वाटूर ता. परतूर) हे बसस्थानक परिसरातील डॉ. बाबासाहेब आंबेडकर पुतळा परिसरात ईद सणानिमीत्त भीक मांगत परिसरात फिरत होते. सदरील दोन महिला आणि तरुण मुले पळविणारे असल्याचा संशय आल्याने नागरिकांनी मारहाण करण्यास सुरुवात केली. अचानक मारहाण सुरु झाल्याने भयभीत झालेल्या महिला आणि तरूणांनी आरडाओरड केली. गस्तीवर असलेलेल पोलीस परिसरात तातडीने घटनास्थळी पोहोचल्याने पुढील अनर्थ टळला. यामुळे शहरात अचानक अफवा पसरल्याने घराबाहेर पडलेल्या आपल्या मुलांना शोधण्यासाठी आई, वडिलांची धावपळ दिसून आली.