Video : ‘मिस आफ्रिके’च्या केसांना स्टेजवर लागली आग

‘मिस आफ्रिका 2018’ या सौंदर्यस्पर्धेच्या अंतिम सोहळ्यादरम्यान स्पर्धेची विजेती ठरलेल्या सौंदर्यवतीच्या केसांना आतषबाजीमुळे आग लागल्याची घटना समोर आली आहे.

ठळक मुद्दे‘मिस आफ्रिका 2018’ या सौंदर्यस्पर्धेच्या अंतिम सोहळ्यादरम्यान स्पर्धेची विजेती ठरलेल्या सौंदर्यवतीच्या केसांना आतषबाजीमुळे आग लागल्याची घटना समोर आली आहे. आयोजकांनी प्रसंगावधान राखून आग विझवल्यामुळे सौंदर्यवती डॉरकस कँसिंडे थोडक्यात बचावली आहे. नायजेरीया येथे पार पडलेल्या मिस आफ्रिका 2018 सौंदर्यस्पर्धेत डॉरकस कँसिंडेने मिस आफ्रिका 2018चा किताब पटकावला.

‘मिस आफ्रिका 2018’ या सौंदर्यस्पर्धेच्या अंतिम सोहळ्यादरम्यान स्पर्धेची विजेती ठरलेल्या सौंदर्यवतीच्या केसांना आतषबाजीमुळे आग लागल्याची घटना समोर आली आहे. आयोजकांनी प्रसंगावधान राखून आग विझवल्यामुळे सौंदर्यवती डॉरकस कँसिंडे थोडक्यात बचावली आहे. सोहळ्यादरम्यान सुरू असलेल्या आतषबाजीने ही आग लागल्याची माहिती मिळत आहे. या घटनेचा व्हिडीओ सोशल मीडियावर व्हायरल होत आहे. 

नायजेरीया येथे पार पडलेल्या मिस आफ्रिका 2018 सौंदर्यस्पर्धेत डॉरकस कँसिंडेने मिस आफ्रिका 2018चा किताब पटकावला. तिच्या नावाची घोषणा झाल्यानंतर स्टेजवर मोठी आतषबाजी करण्यात आली. यावेळी स्टेजवर उभ्या असलेल्या डॉरकसच्या केसांनाही अचानक आग लागली. मात्र आयोजकांनी प्रसंगावधान राखून ही आग पटकन विझवली. या घटनेनंतर डॉरकसने सोशल मीडिया अकाऊंटवरून ती पूर्णपणे ठीक असल्याची माहिती दिली आहे.