धक्कादायक! 4 वर्षाच्या चिमुरडीचे अपहरण करून नराधमाने केले लैंगिक शोषण

याप्रकरणी मुलुंड पोलीस ठाण्यात अपहरणाचा आणि पॉक्सोचा गुन्हा दाखल करण्यात आला आला असून हा गुन्हा भांडुप पोलीस ठाण्यात वर्ग करण्याची प्रक्रिया सुरु असल्याची माहिती मुलुंड पोलीस ठाण्याचे वरिष्ठ पोलीस निरीक्षक श्रीपाद काळे यांनी लोकमतशी बोलताना दिली. 

ठळक मुद्देतानसा पाईप लाईन भागात आज अतिशय धक्कादायक घटना घडली आहेभांडुप येथून 4 वर्षाच्या चिमुकलीचे अपहरण करून तिच्यावर लैंगिक शोषण करणाऱ्या दोन सतर्क तरुणांनी आरोपीला मुलुंड पोलिसांच्या ताब्यात दिलेमुलुंड पोलीस ठाण्यात अपहरणाचा आणि पॉक्सोचा गुन्हा दाखल करण्यात आला

मुंबई - मुलुंड आणि भांडुप या दोन्ही परिसरांना जोडणाऱ्या तानसा पाईप लाईन भागात आज अतिशय धक्कादायक घटना घडली आहे. भांडुप येथून ४ वर्षाच्या चिमुकलीचे अपहरण करून तिच्यावर लैंगिक शोषण करणाऱ्या दोन सतर्क तरुणांनी आरोपीला मुलुंड पोलिसांच्या ताब्यात दिले. याप्रकरणी मुलुंड पोलीस ठाण्यात अपहरणाचा आणि पॉक्सोचा गुन्हा दाखल करण्यात आला आला असून हा गुन्हा भांडुप पोलीस ठाण्यात वर्ग करण्याची प्रक्रिया सुरु असल्याची माहिती मुलुंड पोलीस ठाण्याचे वरिष्ठ पोलीस निरीक्षक श्रीपाद काळे यांनी लोकमतशी बोलताना दिली. 

३८ वर्षीय आरोपी पीडित चिमुकलीच्या शेजारीच राहतो. या नराधमाची त्या चिमुकलीवर दृष्ट नजर होतीच, आज डाव साधत चिमुकली खेळत असताना तिला खाऊचे आमिष दाखवून त्याने भांडुप येथून चिमुकलीचे अपहरण केले आणि तिला तानसा पाईप लाईन परिसरातील झाडी असलेल्या भागात नराधम आरोपी घेऊन गेला. त्यानंतर जंगलात तिच्यावर लैंगिक शोषण या नराधमाने केले. दरम्यान चिमुकीच्या रडण्याचा आवाज सारवनसिंग पदा (वय २५) आणि टिंकू भारीचा (वय २४) या दोन तरुणांच्या कानी पडला. ही दुर्दैवी घटना आज दुपारी अडीज वाजताच्या सुमारास घडली. दोन तरुणांच्या कानी आवाज पडल्यानंतर ते झाडीत गेले. त्यावेळी या दोन्ही तरुणांनी अतिशय भयानक दृश्य पहिले आणि एक तरुण चिमुकलीला घेऊन झाडीतून बाहेर पळून आला. या तरुणांनी ३८ वर्षीय आरोपीला जाब विचारला असता माझी मुलगी असल्याचा त्याने खोटा दावा केला. नंतर तरुणांना संशय आल्याने नागरिकांच्या मदतीने त्यांनी मुलुंड पोलिसांच्या ताब्यात आरोपीला दिले. मुलुंड पोलिसांनी ३८ वर्षीय आरोपीला अटक केली असून याप्रकरणी भा. दं. वि. कलम गुन्हा दाखल करून तो भांडुप पोलीस ठाण्यात वर्ग केला जाणार असल्याची माहिती काळे यांनी दिली.