पती पसंत नव्हता; लग्नानंतर ३ महिन्यांनी पत्नीने केली हत्या

डिसेंबरमध्ये या दोघांच लग्न झालं होतं. वृषालीला जगदीश आवडत नव्हता तिचा लग्नास विरोध होता

ठळक मुद्दे६  महिन्यापूर्वी वृषाली आणि जगदीशचं लग्न ठरले होते. तीन महिन्यापूर्वी त्यांचे लग्न झाले होते. वृषाली ला जगदीश आवडत नव्हता. यातून दोघांचे वाद सुरू होते. या प्रकरणी आणखी कुणाचा सहभाग आहे का याचा तपास सुरू आहे.

कल्याण - कल्याण पूर्व   कोळशेवाडी  परिसरात दुर्गामाता मंदीराजवळील जगदीश साळुंखे याची हत्या झाल्याचा बनाव रचत त्याच्याच पत्नीने कोळशेवाडी पोलीस स्थानकात नोंदवली होती.  या प्रकरणी कोळसेवाडी पोलिसांनी नोंद करत मृतदेह शवविच्छेदनासाठी पाठवून याबाबत तपास सुरू केला. अखेर या प्रकरणी तपासाअंती जगदीश साळुंखे यांच्या पत्नीने त्याची हत्या केल्याचे उघड झाले असून पोलिसांनी त्याची पत्नी वृषाली हिला अटक केली आहे. डिसेंबरमध्ये या दोघांच लग्न झालं होतं. वृषालीला जगदीश आवडत नव्हता तिचा लग्नास विरोध होता. याच रागातून तिने रात्री जेवणात विष दिले त्यानंतर वायरने गळा दाबून जगदीशची निर्घृण हत्या केली.

६  महिन्यापूर्वी वृषाली आणि जगदीशचं लग्न ठरले होते. तीन महिन्यापूर्वी त्यांचे लग्न झाले होते. मात्र वृषाली ला जगदीश आवडत नव्हता. यातून दोघांचे वाद सुरू होते. ६  मार्च रोजी रात्री आठ वाजण्याच्या सुमारास वृषाली घरात चोर आले होते. त्यांनी माझे पती जगदीशची हत्या केली असा कांगावा करत याबाबत  कोळशेवाडी  पोलीस ठाण्यात तक्रार नोंदवली होती. कोळसेवाडी पोलिसांनी नोंद करत जगदीशचा मृतदेह शवविच्छेदनासाठी पाठवत पुढील तपास सुरू केला. शवविच्छेदनाच्या अहवालात जगदिशला विषारी पदार्थ खायला देऊन गळा दाबून हत्या केल्याचे उघड झाले. या प्रकरणी पोलिसांना हत्या झाल्याचा बनाव करणाऱ्या वृषालीवर संशय आला. त्यांनी वृषालीला ताब्यात घेत पोलिसी खाक्या दाखवताच तिने केलेल्या दुष्कृत्याची कबुली दिल्याची दिली. या प्रकरणी आणखी कुणाचा सहभाग आहे का याचा तपास सुरू आहे.