डी गँग आता टॉलिवूडमध्ये! एनआयएने केला पर्दाफाश

छोटा शकीलशी कनेक्शन?

आशिष सिंह

लोकमत न्यूज नेटवर्क मुंबई : बॉलिवूडला मागे टाकत टॉलिवूडची उलाढाल वाढताच अंडरवर्ल्डने तेथेही पाय रोवले असून आपल्या नात्यातील आणि मर्जीतील अभिनेते, अभिनेत्रींमार्फत मोठया प्रमाणात पैशांची गुंतवणूक केल्याचे राष्ट्रीय तपास यंत्रणेला (एनआयए) आढळून आले आहे. छोटा शकीलने आपल्या कुटुंबीयांमार्फत ही उलाढाल केली असून त्यांना यासाठी नेमकी कोणी, कशी मदत केली त्याचा पर्दाफाश सुरू केला आहे.

मल्याळी, तेलुगू, तमीळ, कन्नड यासारख्या दाक्षिणात्य भाषांतील चित्रपटांची नगरी टॉलिवूड नावाने ओळखली जाते. तिची उलाढाल अब्जावधींच्या घरात आहे. हिंदीत डब केलेले या भाषांतील सिनेमे तिकीटबारीवर प्रचंड कमाई करत आहेत. त्यामुळे आता अंडरवर्ल्ड डॉन दाऊन इब्राहिमने आपला मोर्चा टॉलिवूडकडे वळविल्याचे समोर आले आहे. डी राँगने टॉलिवूडमध्ये आपले वस्तानही वसविल्याचा सुगावा राष्ट्रीय तपास यंत्रणेला लागताच त्यांनी तपास केला आणि त्यातून पैशांच्या उलाढाली सोबतच टॉलिवूडमधील अनेक बड़े कलाकारांचा डी गंगशी संबंध असल्याचे समोर आले.

त्यामुळे डी कंपनीशी संबंधित अनेक गोष्टींचा तपास एनआयएने केला. या ऑपरेशनमधून अनेक बाबी उपड झाल्या. छोटा शकीलच्या कुटुंबातील एक अभिनेत्री सध्या टॉलिवूडमध्ये नवीन ओळख तयार करून काम करत आहे.

विशेष म्हणजे छोटा शकीलची आवडती अभिनेत्री असलेल्या मुमताजच्या नावाचा वापर करून ती टॉलिवूडमध्ये प्रसिद्धीही मिळवत आहे. इतकेच नाही, तर गेल्या वर्षी फेब्रुवारीत तिच्या बँक खात्यात छोटा शकीलच्या कुटुंबाकडून लाखो रुपयांचा व्यवहार झाल्याची धक्कादायक बाबही एनआयएच्या निदर्शनास आली आहे.

छोटा शकीलशी कनेक्शन?

डी कंपनीतील छोटा शकीलचा मेहुणा आणि सध्या अटकेत असलेला शेख ऊर्फ आरिफ भाईजान याच्या दुसया पलींच्या मुलीने चेन्नईतून टॉलिवूडमधून करिअरला सुरुवात केली. तिच्याबद्दल फारसे कुणालाच माहीत नव्हते. तिला मुमताजच्या नावाचा वापर करून टॉलिवूडमध्ये ब्रेक मिळाला. त्यानंतर तिने मागे वळून पाहिले नाही, टॉलिवूडच्या अनेक हीट चित्रपटांत काम करून ती प्रसिद्ध अभिनेत्री बनली. २०२२ च्या फेब्रुवारी-मार्चमध्ये तिच्या खात्यात आधी सहा लाख आणि नंतर चार लाख असे १० लाख रुपये टाकण्यात आले होते.