शरद कारखान्याच्या चेअरमनपदी संदीपान भुमरे

विहामांडवा येथील शरद सहकारी साखर कारखान्याच्या चेअरमनपदी पैठणचे आ. संदीपान पाटील भुमरे, व्हॉइस चेअरमनपदी माणिकराव थोरे यांची बिनविरोध निवड जाहीर होताच पाचोडसह परिसरात कार्यकर्त्यांनी जल्लोष केला.

लोकमत न्यूज नेटवर्क
पाचोड : विहामांडवा येथील शरद सहकारी साखर कारखान्याच्या चेअरमनपदी पैठणचे आ. संदीपान पाटील भुमरे, व्हॉइस चेअरमनपदी माणिकराव थोरे यांची बिनविरोध निवड जाहीर होताच पाचोडसह परिसरात कार्यकर्त्यांनी जल्लोष केला.
शरद कारखान्याची नुकतीच निवडणूक पार पडली. त्यात आ. भुमरे यांनी प्रतिस्पर्धी पॅनलला धूळ चारून कारखान्यावर आपले वर्चस्व निर्माण केले होेते. मंगळवारी कारखान्याच्या चेअरमनपदाची निवडणूक पार पडली. यावेळी चेअरमनपदी आ. संदीपान भुमरे यांची, तर व्हॉइस चेअरमनपदी माणिकराव थोरे यांची बिनविरोध निवड करण्यात आली. निवड जाहीर होताच कार्यकर्त्यांनी जल्लोष साजरा केला. यावेळी जि.प. अर्थ व बांधकाम सभापती विलास भुमरे, जि.प. सदस्य ज्ञानेश्वर कापसे पाटील, विनोद बोंबले, पैठण कृउबा समितीचे सभापती राजू भुमरे, सरपंच मनीषा तारे, व्यापारी महासंघाचे अध्यक्ष सुनील मेहेत्रे, गणेश थोरे, लक्ष्मण बनकर, राहुल नारळे, भागवत नरवडे, भाऊसाहेब नरवडे, मनोज नरवडे आंबादास नरवडे आदींची उपस्थिती होती.