दराेडा टाकण्यापूर्वीच टाेळी जेरबंद, सात जणांना अटक 

दरोडा टाकण्याच्या साहित्यासह लपून बसलेले आढळले़ दराेडा टाकण्यापूर्वीच पाेलिसांनी या सातही आराेपींच्या मुसक्या आवळल्या.

चिखली : दरोड्याच्या तयारीत असलेल्या अकोला व खामगाव येथील सात जणांच्या टोळीला चिखली पोलिसांनी २२ एप्रिलच्या रात्री गजाआड केले़ या प्रकरणी आराेपींविरुद्ध २३ एप्रिल राेजी विविध कलमान्वये गुन्हा दाखल करण्यात आला आहे़.

याबाबत असे की, २२ एप्रिलच्या रात्री चिखली पोलिस स्टेशनचे डिबी पथक पेट्रोलिंगवर होते. यादरम्यान स्थानिक जयस्तंभ चौकात पोलिसांना गजानन सुखदेव साळोकार (वय ३२, रा.घाटपुरी नाका खामगाव), सलीम खान अकबर खान (वय २७, रा. पीपी कॉलनी अकोला), फहीम खान अहेमद खान (वय २६, रा.पीपी कॉलनी अकोला) फैजल खान रहीम खान (वय २६, रा. इंदिरानगर पाण्याच्या टाकीजवळ अकोला), अब्दुल आरिफ लुकमान रसूल (वय २७, रा. भगतवाडी अकोला), शेख यासीन शेख रौफ (वय ३४, रा.भगतवाडी अकोला), अभिषेक सदाशिव घोपे (वय २९, रा.किसन नगर खामगाव) हे सात आरोपी अंधाराचा फायदा घेऊन रात्री दरम्यान चिखली शहरामध्ये दरोडा टाकण्याच्या इराद्याने दरोडा टाकण्याच्या साहित्यासह लपून बसलेले आढळले़ दराेडा टाकण्यापूर्वीच पाेलिसांनी या सातही आराेपींच्या मुसक्या आवळल्या. याप्रकरणी पोकॉ राहुल पायघन यांच्या फिर्यादीवरून पोलिसांत सातही जणांविरुद्ध गुन्हा दाखल केला आहे़ ही कारवाई ठाणेदार संग्राम पाटील, पोउपनि चौहान, पोना अमोल गवई, पोकॉ पंढरीनाथ मिसाळ, प्रशांत धदर, रोहिदास पंढरे, सागर कोल्हे, राहुल पायघन, नीलेश सावळे यांनी केली आहे.