करंजी (यवतमाळ): भरधाव अज्ञात वाहनाची मारोती ओमनीला धडक बसून झालेल्या अपघातात तीनजण जागीच ठार झाले, तर एकाची प्रकृती गंभीर आहे. हा भीषण अपघात मंगळवारी सकाळी ६.१५ वाजताच्या सुमारास करंजीपासून एक किलोमिटर अंतरावर असलेल्या कोठोडा गावालगत घडला.
जखमीवर उमरी येथील रूग्णालयात उपचार सुरू आहेत. वरोरा येथून पांढरकवडा येथे वृत्तपत्राची पार्सल पोहचवण्यासाठी जात असताना ही दुर्घटना घडली. किशोर पंजाब बोरकर (५०) रा. वरोरा असे मृत चालकाचे नाव आहे. पुढील तपास पांढरकवडा पोलीस करीत आहे.