यवतमाळ : रोटाव्हेटर घेऊन जाणारा ट्रॅक्टर उलटल्याने काका-पुतण्या जागीच ठार झाले. हा अपघात मंगळवारी सकाळी आर्णी तालुक्यात जवळानजीक उड्डाण पुलाजवळ घडला.
राहुल अरुण जवके (२५) आणि देऊ गोलू जवके (२), अशी मृतांची नावे आहेत. आज सकाळच्या सुमारास राहुल जवके हा रोटाव्हेटर घेऊन ट्रॅक्टरने (एमएच-२९-पीपी-६०२५) शेताकडे निघाला होता. यावेळी पुतण्या गोलू हा देखील त्याच्यासोबत होता. दरम्यान, नागपूर-तुळजापूर महामार्गावरील उडाण पुलावरून जाताना राहुलचे नियंत्रण सुटले आणि ट्रॅक्टर उलटले.
या अपघातात राहुल व त्याचा पुतण्या देऊ हे दोघेही जागीच ठार झाले. एकाच कुटुंबातील दोघे मृत्यू पावल्याने गावात शोककळा पसरली आहे. या घटनेचा अधिक तपास ठाणेदार पीतांबर जाधव यांच्या मार्गदर्शनात बीट जमादार भारती व अरुण पवार करीत आहेत.