यवतमाळ जिल्ह्यात संत्र्याचा ट्रक अंगावर पडून दोन जण जखमी

संत्र्याची वाहतूक करणारा ट्रक धावत्या दुचाकीवर पडून दोन जण जखमी झाले. ही घटना शुक्रवारी सकाळी १०.३० च्या सुमारास स्थानिक अमरावती रोडवरील ढुमणापूर वळणावर घडली.

लोकमत न्यूज नेटवर्कयवतमाळ : संत्र्याची वाहतूक करणारा ट्रक धावत्या दुचाकीवर पडून दोन जण जखमी झाले. ही घटना शुक्रवारी सकाळी १०.३० च्या सुमारास स्थानिक अमरावती रोडवरील ढुमणापूर वळणावर घडली. ट्रक आणि दुचाकीस्वार यवतमाळकडे येत होते. अगदी वळणावर ट्रक उलटला. त्याचवेळी ट्रकच्या बाजूने मार्ग काढत असलेल्या दुचाकीवर कोसळला. दुचाकीस्वार दोघेही २०० ते ३०० संत्र्याच्या कॅरेटखाली दबून गेले होते. घटनेची माहिती होताच परिसरातील लोकांनी या दोघांनाही बाहेर काढले. वृत्त लिहिस्तोवर जखमींची नावे कळू शकली नाही