आर्णी (यवतमाळ) : लग्नाला नेले नसल्याचा राग धरून १७ वर्षीय युवतीने गळफास लाऊन आत्महत्या केल्याची घटना डोळंबा येथे घडली. पूजा दिलीप दुमारे, असे या युवतीचे नाव आहे.
पूजाची आई, वडील आणि भाऊ सोमवारी पिंपळनेर (ता.आर्णी) येथे लग्नाला गेले होते. पूजानेही लग्नाला येण्यासाठी हट्ट धरला होता. तिला सोबत न घेता तिघेही निघून गेले. दरम्यान, तिने घरातच आड्याला नायलॉन दोरी बांधून गळफास लावला. हा प्रकार नागरिकांच्या लक्षात आला. त्यानी पूजाच्या वडिलांना माहिती दिली. या घटनेची तक्रार युवतीचे वडील दिलीप महादेव दुमारे (५२) रा. डोळंबा यांनी पोलिसात दिली. या घटनेचा अधिक तपास ठाणेदार श्याम सोनटक्के यांच्या मार्गदर्शनात पोलिस उपनिरीक्षक शिवराज पवार करीत आहे.