लोकमत न्यूज नेटवर्कयवतमाळ: ओव्हरटेकच्या प्रयत्नात ट्रकवर ट्रक आदळून झालेल्या अपघातात एक जण ठार झाल्याची घटना मंगळवारी पहाटे ४ वाजताच्या सुमारास राष्ट्रीय महामार्गावरील डिगडोह फाट्याजवळ घडली. सतीशकुमार विद्यासागर (२८) रा. सेंकडू (तामिळनाडू) असे मृताचे नाव आहे.आर.जे.११/जीआर-६८०५ या क्रमांकाच्या ट्रकला ओव्हरटेक करताना टी.एन.३४/एसी-१३५९ या क्रमांकाचा ट्रक धडकला. यामध्ये चालक सतीशकुमार जागीच ठार झाला. घटनेची माहिती किन्ही येथील पेट्रोलपंपावरील कर्मचाऱ्यांनी वडकी पोलिसांना दिली. ठाणेदार प्रशांत गिते व सहकारी तत्काळ घटनास्थळी दाखल झाले. चालकाचा मृतदेह बाहेर काढून शवचिकित्सेसाठी रवाना करण्यात आला.
यवतमाळ जिल्ह्यात ओव्हरटेकच्या प्रयत्नात झालेल्या अपघातात एक ठार
By लोकमत न्यूज नेटवर्क | Updated: May 21, 2019 14:40 IST