गजानन अक्कलवार
कळंब (यवतमाळ) : रेती भरुन असलेल्या उभ्या ट्रकला कारने जोरदार धडक दिली. या अपघतात चार जण जागीच ठार तर एक जण गंभीर जखमी झाला. हा अपघात सोमवारी सकाळी ५ वाजताच्या दरम्यान यवतमाळ रोडवरील चापर्डा आणि घोटी गावाच्या दरम्यान झाला.
चापर्डा गावाजवळ एम.एच.३२- ए.जे.७७७३ क्रमांकाचा ट्रक यवतमाळच्या दिशेने चापर्डा गावाजवळ उभा होता. या ट्रकमध्ये कन्हानची रेती भरुन नेली जात होती. दरम्यान नागपूरवरुन यवतमाळकडे येणाऱ्या पी.बी.११-सी.बी.-४९६३ या क्रमांकाच्या कारने उभ्या ट्रकला जोरदार धडक दिली. या गाडीमध्ये एकुण पाच जण प्रवास करीत होते. या अपघातात चालकासह चार जण जागीच ठार झाले. यामध्ये दोन पुरुष आणि दोन महिलांचा समावेश आहे. तर एक जण गंभीर जखमी असून त्याला तातडीने कळंब ग्रामिण रुग्णालयात भरती करण्यात आले. परंतु प्रकृती गंभीर असल्याने यवतमाळ येथे रेफर करण्यात आले.
मृतक सर्व पंजाब राज्यातील असल्याची माहीती आहे. अजुनपर्यंत कोणाचीही ओळख पटलेली नाही. पोलिसांकडून त्यांच्या नातेवाईकांशी संपर्क साधण्याचा प्रयत्न केला जात आहे.