लोकमत न्यूज नेटवर्कउमरखेड : तालुक्यातील बंदी भागातील पैनगंगा अभयारण्यातील परोटी (वन) येथे मंगळवारी दुपारी १ वाजताच्या सुमारास तीन घरांना आग लागली. यात दोन महिला गंभीर जखमी झाल्या. तर पाच लाखांचे नुकसान झाले. परोटी येथील गोविंद कोल्हे यांच्या घराला आग लागली. या आगीने इतर दोन घरांना कवेत घेतले.त्यात मंजुळाबाई शामराव कोल्हे (८०) आणि गीता सुंदरसिंग पेळे (२५) या दोघी जखमी झाल्या. त्यांंना उपचारार्थ नांदेडच्या शासकीय रुग्णालयात दाखल करण्यात आले. या आगीत सुमारे पाच लाखांचे नुकसान झाले. गावकऱ्यांनी आग आटोक्यात आणली.शेतात गेलेल्या नागरिकांनीही तातडीने गावाकडे धाव घेऊन आगीवर नियंत्रण मिळविण्यात यश मिळविले.यामुळे मोठा अनर्थ टळला. आगीत ८० वर्षीय वृद्धा मंजुळाबाई कोल्हे ५० टक्के पेक्षा जास्त भाजल्या आहेत. या आगीत गोविंद कोल्हे, दशरथ कोल्हे व विमल कोल्हे यांची घरे भस्मसात झाली. मात्र या आगीची प्रशासनाला खबरबातही लागली नाही.
परोटी येथे आग, दोन महिला गंभीर
By लोकमत न्यूज नेटवर्क | Updated: February 27, 2019 23:40 IST