बिमारी रे बिमारी...कोरोना बिमारी..!

मंगळवारी पोळ्याचा सण आहे, पण पोळ्यात गुढी फिरणार नाही. कारण कोरोनाच्या भीतीमुळे पोळ्यावर बंदी आली. कृषी संस्कृतीत भीतीला थारा नसतो. केवळ समाजाजिक जबाबदारी ओळखून गावकऱ्यांनीही पोळा न भरविण्याचा निर्णय घेतला आहे. पण मनात भरून आलेल्या भावनांना वाट करून देणाऱ्या झडत्या झरल्याच...

ठळक मुद्देपोळा नाही तरी झडत्या तयार : कोरोना, लॉकडाऊनवर हल्लाबोल

लोकमत न्यूज नेटवर्कयवतमाळ :बिमारी रे बिमारीकोरोना बिमारीया बिमारीचाअसा आणा खंबालॉकडाऊनने झाला होपुरा व्यापार उदीम लंबाएक नमन गौरा पार्वती हरबरा.. हर हर महादेवपोळा भरणार नसला, तरी पोळ्याचा झडत्यांना उतार पडणे शक्य नाही. दरवर्षीप्रमाणे यंदाही कोरोनावर तिरंदाजी करणाऱ्या इरसाल झडत्या हौशी मंडळींनी तयार ठेवल्या आहे.बदललेल्या पोळ्याच्या माहौलमध्ये झडत्यांची ढबही बदलून गेली आहे. आजवर सरकारच्या धोरणांवर, गावपुढाऱ्यांच्या बनवेगिरीवर वार करणाऱ्या झडत्या पोळा दणाणून सोडायच्या. यंदा शेतकऱ्यांच्या भात्यात पाजवून तयार असलेल्या झडत्या कोरोनावर शरसंधान साधण्यासाठी ‘रेडी’ आहेत.मंगळवारी पोळ्याचा सण आहे, पण पोळ्यात गुढी फिरणार नाही. कारण कोरोनाच्या भीतीमुळे पोळ्यावर बंदी आली. कृषी संस्कृतीत भीतीला थारा नसतो. केवळ समाजाजिक जबाबदारी ओळखून गावकऱ्यांनीही पोळा न भरविण्याचा निर्णय घेतला आहे. पण मनात भरून आलेल्या भावनांना वाट करून देणाऱ्या झडत्या झरल्याच...अक्कल रे अक्कलशिकलेल्यांची अक्कलया अक्कल नं पडलं होआमाले टक्कलज्यानं कवा नायी पायलावावराचा धुरातोही आमाले म्हंतेशेतात नवा प्रयोग कराएक नमन गौरा पार्वती हरबरा.. हर हर महादेवआर्णी तालुक्यातील जवळा येथील अ. भा. ठाकूर यांनी तयार केलेल्या अशा झडत्या शेतकऱ्यांना ‘अक्कल शिकविणाºयां’ची फिरकी घेणार आहे.दुरून बोल जवय नकोकरुणाचं भयअंतर ठेव शरीरातमनात नको सयभले राहू अलग अलगमनानं राहू एककरून नियमाचं पालनकरोना हरवू थेटएक नमन गौरा पार्वती हरबरा.. हर हर महादेवएकीकडे कोरोनावर हल्लाबोल करतानाच कोरोनापासून बचावाचे उपायही झडत्यांमधून झळकणार आहेत. पोळा भरणार नसला तरी, शेतकरी आपल्या बैलजोड्या सजविणार आहेत. त्यांची पूजा करणार आहेत. वर्षभर मेहनतीने साथ देणाऱ्या वृषभ राजाचा यथोचित सन्मान करणारा आहे.आपल्या घराच्या अंगणात आपल्या बैलजोडीची आरती करताना कदाचित उर दाटून येईल...