यवतमाळ : संपूर्ण राज्यात कोरोनाबाधित रुग्णांच्या संख्येत सातत्याने वाढ होताना दिसत आहे. यवतमाळमध्येही गेल्या 48 तासांत 354 नवे कोरोनाबाधित समोर आले आहेत. मात्र, दिलासादायक गोष्ट म्हणजे, जिल्ह्यात गेल्या दोन दिवसात तब्बल 548 जणांनी कोरोनावर मात केली असून ते रुग्णालयातून घरी परतले आहेत. तर एकूण 17 कोरोनाबाधित रुग्णांचा मृत्यू झाला आहे. यांपैकी पहिल्या 24 तासात 7 तर दुसऱ्या 24 तासांत 10 जणांचा मृत्यू झाला.
बरे होऊन घरी परतलेले कोरोनाबाधित रुग्ण येथील वैद्यकीय महाविद्यालयातील आयसोलेशन वॉर्ड, तसेच विविध कोविड केअर सेंटर्समध्ये भरती होते. रुग्णालयातून गुरुवारी 114 तर शुक्रवारी तब्बल 434 जणांना सुट्टी देण्यात आली.
पहिल्या 24 तासांत मृत्यू झालेल्या सात जणांमध्ये यवतमाळ शहरातील नवजात बालक, 52 वर्षीय पुरुष, 60 वर्षीय पुरूष, 60 वर्षीय महिला, तालुक्यातील 65 वर्षीय पुरूष, आर्णी शहरातील 60 वर्षीय पुरुष आणि पुसद शहरातील 65 वर्षीय पुरूषाचा समावेश आहे. तर दुसऱ्या 24 तासांत मृत्यू झालेल्या 10 जणांमध्ये यवतमाळ शहरातील 37 वर्षीय दोन पुरुष, 48 वर्षीय, 64 वर्षीय आणि तालुक्यातील 37 वर्षीय पुरुष, झरी जामणी शहरातील 60 वर्षीय पुरुष, महागाव तालुक्यातील 64 वर्षीय पुरुष, दारव्हा तालुक्यातील 50 वर्षीय पुरुष, पुसद शहरातील 52 वर्षीय पुरुष आणि जिल्ह्यातील एका पुरुषाचा समावेश आहे. तसेच गेल्या 48 तासांत आढळलेल्या 354 नव्या कोरोनाबाधितांत 215 पुरुष आणि 139 महिलांचा समावेश आहे.
गेल्या 24 तासात आढळलेल्या 182 रुग्णांत 114 पुरुष आणि 68 महिलांचा समावेश आहे. यात आर्णी शहरातील दोन पुरुष, आर्णी तालुक्यातील एक पुरुष व एक महिला, बाभुळगाव शहरातील पाच पुरुष व दोन महिला, बाभुळगाव तालुक्यातील एक पुरुष व तीन महिला, दारव्हा शहरातील आठ पुरुष व चार महिला, दारव्हा तालुक्यातील एक महिला, दिग्रस शहरातील पाच पुरुष व दोन महिला, घाटंजी शहरातील नऊ पुरुष व तीन महिला, महागाव शहरातील तीन पुरुष व एक महिला, मंगरूळपीर शहरातील एक पुरुष, मारेगाव शहरातील एक पुरुष व तीन महिला, मारेगाव तालुक्यातील एक पुरुष, नेर शहरातील 10 पुरुष व सहा महिला, नेर तालुक्यातील दोन महिला, पांढरकवडा शहरातील चार पुरुष व पाच महिला, पुसद शहरातील 15 पुरुष व दोन महिला, पुसद तालुक्यातील एक पुरुष, उमरखेड शहरातील सात पुरुष व आठ महिला, वणी शहरातील सात पुरुष व तीन महिला, वणी तालुक्यातील दोन पुरुष, यवतमाळ शहरातील 31 पुरुष व 22 महिलांचा समावेश आहे.
वैद्यकीय महाविद्यालयाकडून मिळालेल्या माहितीनुसार जिल्ह्यात सध्या 1234 ॲक्टीव्ह रुग्ण असून 389 जण होम आयसोलेशनमध्ये आहेत. सुरवातीपासून आतापर्यंत जिल्ह्यात एकूण पॉझेटिव्ह रुग्णांची संख्या 6754 एवढी झाली आहे. यांपैकी 4939 जण बरे झाल्यामुळे त्यांना रुग्णालयातून सुट्टी देण्यात आली आहे. तर जिल्ह्यात आतापर्यंत एकूण 182 मृत्युची नोंद आहे. सध्या आयसोलेशन वॉर्डात 303 जण भरती आहे.
शासकीय वैद्यकीय महाविद्यालयाने सुरवातीपासून आतापर्यंत 65685 नमुने पाठविले असून यापैकी 64565 प्राप्त तर 1120 अप्राप्त आहेत. तसेच 57811 नागरिकांचे नमुने आतापर्यंत निगेटिव्ह आल्याचे वैद्यकीय महाविद्यालयाच्या प्रशासनाने कळविले आहे.