मेलबर्न : WWE म्हटलं आणि अंडरटेकर व केन या भावांची चर्चा झाली नाही तर आश्चर्य. WWE मधून बराच काळ दूर गेलेल्या अंडरटेकर व केन यांनी मंगळवारी दमदार कमबॅक केले. या दोघांच्या दमदार एन्ट्रीने भल्याभल्यांना धडकी भरते आणि तसेच चित्र मंगळवारी मेलबर्न क्रिकेट ग्राऊंडवर पाहायला मिळाले. या दोघांच्या पुनरागमनाच्या एन्ट्रीचा पहिला फटका शॉन मिचेल्स आणि ट्रिपल एच यांना बसला.
WWE युनिव्हर्स दरम्यान शॉन रिंगमध्ये उभा राहून ट्रिपल एचचे गोडवे गात होता. त्याचवेळी केनने एन्ट्री घेत शॉनला धोबीपछाड केली. क्षणात अंडरटेकरने सस्पेंन्स एन्ट्री मारली आणि चाहत्यांचा आनंद गगनात मावेनासा झाला. हे दोघही शॉनची धुलाई करत असताना ट्रिपल एच त्याच्या बचावासाठी धावला. त्यानंतर काय घडले पाहा हा व्हिडीओ...