कोल्हापूरच्या हंबरेवाडीतील शहीद जवान ज्योतिबा चौगुले यांच्या पार्थिवावर उंबरवाडी येथे पोलीस आणि लष्कराच्या प्रत्येकी आठ जणांच्या तुकडीने बंदुकीच्या हवेत 3 फैरी झाडून लष्करी इतमामात अंत्यसंस्कार करण्यात आले. खासदार संजय मंडलिक, जिल्हाधिकारी दौलत देसाई यांनी पुष्पचक्र वाहून मानवंदना दिली. मात्र, यावेळी 9 वर्षाचा चिमुकला आपल्या वडिलांना मुखाग्नी देताना पाहून सारेच हळहळले.