सोसायटी निवडणुकीवरून दोन गटात हाणामारी

मेडशी येथील घटना, ४९ जणांवर गुन्हे दाखल.

मालेगाव : मेडशी येथे सेवा सहकारी सोसायटीच्या सदस्यामधून अकोला जिल्हा मध्यवर्ती बँकेच्या मतदान प्रतिनिधीची नियुक्ती करण्यासंदर्भात दोन गटामध्ये वाद होऊन लाठय़ा- काठय़ा व तलवारीने प्रचंड हाणामारी झाली. त्यामध्ये दोन्ही गटातील एकूण पाच जण गंभीर जखमी झाले असून, त्या प्रकरणी एकूण ४९ जणांवर विविध कलमान्वये गुन्हे दाखल करण्यात आल्याची घटना ५ फेब्रुवारी रोजी येथील पोलीस चौकीसमोर घडली.मेडशी येथील शेख गणी शेख चाँद यांनी दिलेल्या फिर्यादीनुसार ५ फेब्रुवारी २0१५ रोजी मेडशी येथील सेवा सहकारी सोसायटीच्या कार्यालयामध्ये सकाळी १0.३0 वाजता एक सभा घेण्यात आली. अकोला जिल्हा मध्यवर्ती बँकेची निवडणूक होऊ घातली असून, त्या निवडणुकीमध्ये सेवा सहकारी सोसायटी मेडशीमधून मतदान प्रतिनिधी पाठविण्याचा विषय या सभेमध्ये चर्चेसाठी आला होता. सेवा सहकारी सोसायटीचे अध्यक्ष शिवराम शेंडे व उपाध्यक्ष शेख शब्बीर शेख अमिर, सचिव इंगोले व इतर सदस्य हजर होते. त्यामध्ये शेख गणी शेख चांद यांच्या नावाची मतदान प्रतिनिधी म्हणून निवडण्याचा विषय सभेपुढे आला असता त्याला मो. शब्बीर शेख अमीर यांनी विरोध करून त्यांना मारहाण केली. त्यामुळे ते गावातील पोलीस चौकीकडे पळाले असता. आरोपींनी त्यांच्या मुलगा शेख जमीर यास तोंडावर, डोक्यावर लाठय़ा -काठय़ाने मारहाण केली. तसेच मो. मजहर मो. शब्बीर यांनी तलवार मारून गंभीर जखमी केले. यावेळी इतर २२ जणांनी लाठय़ा-काठय़ाने व मुलाला लोखंडी पाईप, तलवारीने मारहाण केली. या प्रकरणी एकूण २३ जणांविरुद्ध कलम १४३, १४७, १४९, ३0७, ३२४, ५0४, ३२३, ५0६, ४२७, व ४, २५ आर्म अँक्टनुसार गुन्हे दाखल केले आहेत.