वाशिम : काँग्रेस कार्यकर्त्यांची गांधी घराण्यावर निष्ठा आहे. मात्र राहुल गांधी यांनी काँग्रेसचे अध्यक्ष पद घेण्यास नकार दिल्याने अशोक गेहलोत हे अध्यक्ष पदासाठी अर्ज दाखल करत आहेत. तसेच, यापूर्वीही गांधी घराण्याशिवाय इतर काँग्रेसी नेते अध्यक्ष बनले आहेत, असे काँग्रेस प्रदेशाध्यक्ष नाना पटोले यांनी म्हटले आहे. ते मालेगाव तालुक्यातील शिरपूर येथे आले असता पत्रकारांशी बोलत होते.
काँग्रेसच्या वतिने राहुल गांधी यांच्या नेतृत्वात निघालेल्या भारत जोडो पदयात्रेसंदर्भात शिरपूर येथे आल्यानंतर त्यांनी मुनीश्रींचे दर्शन घेतले. यावेळी भाजप प्रणित ईडीचे सरकार कायदा सुव्यवस्था खराब करीत आहे. याचबरोबर मुंबई उच्च न्यायालयाने दिलेल्या निकालाचे आम्ही स्वागत करतो, असेही नाना पटोले यावेळी बोलताना म्हणाले. यावेळी त्यांच्या सोबत जिल्हाध्यक्ष तथा आमदार अमित झनक, प्रदेश सरचिटणीस अॅड. दिलीपराव सरनाईक, प्रदेश सचिव दिलीप भोजराज, जि. प. उपाध्यक्ष डॉ. शाम गाभने, सभापती चक्रधर गोटे, यांच्यासह मान्यवरांची उपस्थिती होती.