मंगरुळपीर - जावयाने सासूसह पत्नी व लहान मुलीवर चाकूने हल्ला केल्याची घटना शहरातील शिवाजी नगर येथे ८ मे रोजी रात्री ११ वाजताच्या सुमारास घडली. घटना घडल्यानंतर तातडीने त्यांना अकोला येथे उपचारासाठी दाखल करण्यात आले. ९ मे रोजी दिलेल्या तक्रारीवरून पोलिसांनी या प्रकरणातील आरोपीविरूद्ध गुन्हा दाखल करून त्याला ताब्यात घेतले.
पोलीस सूत्रांनी दिलेल्या माहितीनुसार फिर्यादी नंदू गजानन काळे (३०) रा. शिवाजी नगर मंगरुळपीर यांनी ९ मे रोजी तक्रार दिली की, आरोपी दत्तात्रय रमेश देशमुख (३५) रा. डांगरी खाडे, जि. धुळे हा त्याचे पत्नीला माहेरवरून नेण्यासाठी मंगरुळपीर येथे आला होता. सासरकडील लोकांना पैशांची मागणी करीत होता. ८ मे च्या ११ वाजता त्याने सासºयाचे घरात घुसून सासू,पत्नी व लहान मुलीवर चाकूने वार करून गंभीर जखमी केले. या तक्रारीवरून पोलिसांनी आरोपीविरुद्ध कलम ३२६,५०४ भादंवीनुसार गुन्हा दाखल करून त्यास ताब्यात घेतले. या प्रकरणातील जखमींना अकोला येथे उपचारार्थ दाखल करण्यात आले.