तिसऱ्या लाटेचे संकट; लहान मुलांचा तापही अंगावर काढू नका
By लोकमत न्यूज नेटवर्क | Published: August 1, 2021 04:37 AM2021-08-01T04:37:32+5:302021-08-01T04:37:32+5:30
वाशिम : काेराेना संसर्ग कमी हाेत असला तरी तिसरी लाट येण्याची शक्यता वर्तविण्यात येत आहे. तिसऱ्या लाटेचा बालकांना त्रास ...
वाशिम : काेराेना संसर्ग कमी हाेत असला तरी तिसरी लाट येण्याची शक्यता वर्तविण्यात येत आहे. तिसऱ्या लाटेचा बालकांना त्रास जाणवणार असल्याने बालकांना ताप आल्याबराेबर डाॅक्टरांचा सल्ला घ्यावा व मुलांच्या अंगावर ताप काढण्याचे टाळावे, असे आवाहन बालराेग तज्ज्ञांकडून करण्यात येत आहे.
जिल्ह्यात काेराेना संसर्ग कमी हाेत असला तरी तिसऱ्या लाटेची शक्यता पाहता जिल्हा प्रशासनाकडून आवश्यक ती खबरदारी घेण्यात येत आहे. पालकांनीही जागरूक राहून आपल्या बालकांकडे विशेष लक्ष पुरविण्याचे आवाहन आराेग्य विभागाकडून केले जात आहे. गरज पडल्यास डाॅक्टरांशी संपर्क साधण्याचे आवाहन करण्यात येत आहे.
---------
सर्दी, खोकला, तापाची साथ
लहान बालकांमध्ये सद्य:स्थितीत तापाची साथ असून, अनेक बालके आजारी पडत आहेत. सर्दी, खाेकल्यासाेबतच ताप येत असल्याने दवाखान्यांत माेठ्या प्रमाणात गर्दी दिसून येत आहे. बाल रुग्णालये हाऊसफुल्ल दिसून येत आहेत.
-------
ताप आला म्हणजे कोरोना असे नाही, पण...
पावसाळ्याचे दिवस असल्याने सर्दी-पडसे हाेणे साहजिक आहे. परंतु अंगात ताप असेल तर ताे काेराेनाच आहे असे नाही. डाॅक्टरांच्या सल्ल्याने औषध घेऊन काळजी घेणे गरजेचे आहे.
पावसाळ्याच्या दिवसांत लहान बालकांना पाेटाचे आजारही जडत आहेत. याला घाबरून न जाता औषधाेपचार करावा, असा सल्ला बालराेगतज्ज्ञ देत आहेत.
ताप आल्यास घाबरून न जाता डाॅक्टरांचा सल्ला घ्यावा.
---------
प्रशासनाचे नियाेजन
काेराेनाची तिसरी लाट बालकांसाठी घातक ठरू शकते. यामुळे जिल्हा प्रशासनाकडून पूर्णपणे नियाेजन करण्यात आले आहे. बालकांसाठी काेविड केअर सेंटरच्या तयारीसह पूर्णपणे नियाेजन आराेग्य विभागाने केलेले आहे. यासंदर्भात जिल्हाधिकारी यांनी सभा घेऊन संबंधितांना मार्गदशर्क सूचनासुद्धा केल्या हाेत्या.
-------
घाबरू नका, काळजी घ्या!
लहान मुलांना ताप आल्यास ताप अंगावर न काढता ताबडताेब दवाखान्यात नेऊन डाॅक्टरांचा सल्ला घ्या. घाबरून न जाता काळजी घेणे गरजेचे आहे.
- डाॅ. विजय कानडे, बालराेगतज्ज्ञ, वाशिम