------
ग्रामस्थांची कोरोना चाचणी
उंबर्डा बाजार : तालुक्यात वाढत असलेला कोरोना संसर्ग लक्षात घेता आरोग्यवर्धिनी केंद्राकडून संशयितांची कोरोना चाचणी करण्यात येत आहे. याअंतर्गत दोन दिवसांत १५ लोकांची चाचणी आरोग्य कर्मचाऱ्यांनी केली.
----------
संत्रा पिकाचे नुकसान
धनज बु. : परिसरात गुरुवारी सकाळच्या सुमारास वादळी वाऱ्यासह गारपीट झाली. या नैसर्गिक आपत्तीचा फटका फळपिकांना बसला असून, वादळी वाऱ्यामुळे संत्र्याची फळे गळून पडल्याने शेतकऱ्यांचे मोठ्या प्रमाणात नुकसान झाले.
-------
कामरगावात जमावबंदीचे उल्लंघन
कामरगाव : जिल्ह्यात वाढता कोरोना संसर्ग लक्षात घेता, जिल्हाधिकाऱ्यांनी १८ फेब्रुवारीपासून जमावबंदीचे आदेश लागू केले आहेत. कामरगाव येथील बाजारात मात्र ग्रामस्थ मोठी गर्दी करून जमावबंदीचे उल्लंघन करीत असल्याचे शनिवारी दिसले.