पालघर - साधारणतः मधले बोटे दाखवले तर त्याचा वाईट अर्थ मानला जातो. मात्र पालघरमधील नागरिक अभिमानानं आपले मधले बोट दाखवत आहेत. याचे कारण म्हणजे पालघरमध्ये लोकसभा पोटनिवडणुकीसाठी मतदान सुरू आहे. याचदरम्यान,जिल्ह्यात ग्रामपंचायतीच्याही निवडणुका आहेत. ग्रामपंचायत आणि लोकसभेसाठी मतदान करणाऱ्या मतदारांची ओळख पटावी यासाठी लोकसभेसाठी मतदान केलेल्या मतदारांच्या डाव्या हाताच्या मधल्या बोटावर शाई लावण्याचे आदेश निवडणूक आयोगाने दिले आहेत.दरम्यान, हे काही पहिल्यांदाच घडले आहे असे अजिबात नाही. यापूर्वी दोन वेगळ्या निवडणुकांसाठी एकाच दिवशी मतदान करावे लागल्यास असाच आदेश आयोगाकडून देण्यात आलेला आहे.
(Lok Sabha Bypoll Live : पालघरमधील मतदान केंद्रांवर ईव्हीएममध्ये बिघाड, मतदारांचा खोळंबा)