लोकमत न्यूज नेटवर्क, नालासोपारा (मंगेश कराळे) :- वसईत दिवसाढवळ्या ज्वेलर्स मालकांवर चाकूने जीवघेणा हल्ला केल्याने खळबळ माजली आहे. या घटनेनंतर परिसरात घबराट पसरलेली आहे. आरोपीने पोटावर चाकूने वार केल्याने गंभीर जखमी झाल्याची घटना मंगळवारी दुपारी साडेबारा वाजताच्या सुमारास घडली आहे. घटनेची माहिती मिळताच वालीव पोलीस घटनास्थळी भेट दिली आहे. नेमका हा हल्ला चोरीच्या इराद्याने झाला की कोणत्या कारणामुळे याचा पोलिस तपास करत आहे. फरार आरोपीचा पोलीस शोध घेत आहे. जखमी मालकाला जवळच्या हॉस्पिटलमध्ये उपचारासाठी भरती करण्यात आले आहे.
अधिक माहितीनुसार, वसई पूर्वेस वालीव येथे काळु सिंग यांच्या मालकीचे अंबिका ज्वेलर्स नावाचे दुकान आहे. भर दुपारी गर्दीच्या ठिकाणी हल्लेखोराने दुकान मालकावर चाकूने हल्ला करून त्यास गंभीर जखमी केले आहे. घटनेनंतर हल्लेखोर फरार झाला आहे. यावेळी उपस्थित नागरिकांनी जखमी मालकास रिक्षा मधून इस्पितळात उपचारार्थ दाखल केले.
पोलिसांनी या परिसरामधली नाकाबंदी केलेली आहे. सीसीटीव्हीच्या आधारे या प्रकरणाचा तपास सुरू असून आरोपीला अटक करण्यात येईल. तसेच आरोपीला पकडण्यासाठी वेगवेगळे पोलिस पथके तयार करण्यात आल्याची माहिती पोलिस उपायुक्त पौर्णिमा चौगुले श्रींगी यांनी दिली.
Web Summary : A jeweler in Vasai was critically injured in a daylight knife attack. The assailant fled, prompting a police investigation and search. The victim is hospitalized, and police are reviewing CCTV footage. Multiple teams are working to apprehend the attacker.
Web Summary : वसई में एक ज्वेलर पर दिनदहाड़े चाकू से हमला हुआ, जिससे वह गंभीर रूप से घायल हो गया। हमलावर फरार हो गया, जिसके बाद पुलिस जांच और तलाशी अभियान शुरू हो गया है। पीड़ित को अस्पताल में भर्ती कराया गया है, और पुलिस सीसीटीवी फुटेज की समीक्षा कर रही है। हमलावर को पकड़ने के लिए कई टीमें काम कर रही हैं।