पुलगावः वर्धा जिल्ह्यातील पुलगाव येथे सैनिकाने गर्भवती पत्नीची गोळी झाडत हत्या करत स्वत: वरही गोळ्या झाडत आत्महत्या केली आहे. ही धक्कादायक घटना पुलगाव येथे घडली आहे. सैनिक ड्युटीवरून पाणी पिण्याच्या बहाण्याने गायब होत घरी आला. त्यानंतर त्याने इन्सास रायफलने गर्भवती पत्नीवर गोळी झाडत हत्या केली. यामध्ये पत्नीचा जागीच मृत्यू झाला तर पतीचाही सावंगी रुग्णालयात उपचारादरम्यान मृत्यू झाला आहे.
या धक्कादायक घटनेमुळे परिसरात एकच खळबळ उडाली आहे. हत्येचे कारण अद्याप अस्पष्ट असून पोलीस या प्रकरणाची अधिक चौकशी करत आहेत. मृत सैनिकाचे नाव अजय कुमार सिंह (25) आणि मृत पत्नीचे नाव प्रियंका कुमारी (26) आहे. हे दोघेही मूळचे बिहार राज्यातले आहेत. दोन वर्षांपूर्वीच दोघांचे लग्न झाले होते. तर पत्नी गरोदर होती.