ठळक मुद्देशेगाव-खापरी मार्गावरील घटना : चालकाचा दारूसाठ्यासह पोबारा
लोकमत न्यूज नेटवर्ककोरा : दारूसाठा घेऊन जाणारी भरधाव कार अनियंत्रित होत झाडावर धडकली. जिल्ह्यातील उसेगावजवळील शेगाव-खापरी मार्गावर ही अपघाताची घटना घडली. चंद्रपूर जिल्ह्यात हा अवैध दारूसाठा नेला जात होता, अशी माहिती सूत्रांनी दिली.नागपूर जिल्ह्यातून चंद्रपूर जिल्ह्यात अवैध दारूसाठा घेऊन जात असलेली भरधाव कार क्रमांक एच ४३ एल २६ ८८ अनियंत्रित होऊन झाडावर जाऊन धडकली. अपघातानंतर कारचालकाने कारमध्ये असलेला अवैध दारूसाठा तातडीने दुसऱ्या वाहनात भरला. अपघातग्रस्त कार सोडून पोबारा केला. दरम्यान, मार्गावर यावेळी विदेशी दारूच्या फुटलेल्या बाटल्या व काही खाली खोके घटनास्थळ पडून होते. यामुळे काही काळ वाहतूक विस्कळीत झाली होती. घटनेविषयी गिरड पोलिसांना माहिती मिळताच घटनास्थळ गाठून अपघातग्रस्त कार ताब्यात घेतली. या प्रकरणी पोलीस अधिक तपास करीत आहेत.