ठळक मुद्देपवनार पेट्रोलपंपाजवळील घटना
लोकमत न्यूज नेटवर्कवर्धा: वध्याहून पवनारकडे येणाऱ्या दुचाकीस्वाराला विरुद्ध दिशेने येणाºया कारची धडक होऊन दुचाकीस्वार जखमी झाल्याची घटना येथे गुरुवारी ११.३० च्या सुमारास घडली. सेलू येथील विनित माहुरे हा युवक मोटरसायकलवरून जात असताना पवनारजवळील पेट्रोलपंपाजवळ त्याची मोटरसायकल व कारची धडक झाली. यात विनीतला गंभीर जखमा झाल्या असून मोटरसायकलचे बरेच नुकसान झाले. अन्य दोघेही जखमी झाल्याचे वृत्त आहे. वर्धा-नागपूर मार्गाच्या रुंदीकरणाचे काम सुरू असून या मार्गावरील गाड्यांना बराच त्रास सहन करावा लागतो आहे. अशातच अपघातांचेही प्रमाण वाढले आहे.