नवी दिल्ली : अवघ्या ४ दिवसांवर आलेल्या प्राणप्रतिष्ठा सोहळ्यासाठी भारतीय हवामान विभागाने खास अयोध्येसाठी हवामान विषयक माहिती देण्यासाठी विशेष वेबपेज सुरू केले. त्याद्वारे अयोध्येसह परिसरातील महत्त्वाच्या क्षेत्राबाबतची हवामानविषयक माहिती दिली जाईल.
विशेष म्हणजे हिंदीसह इंग्रजी, उर्दू, चिनी, फ्रेंच व स्पॅनिश भाषेत तापमान, पाऊस, आर्द्रता तसेच हवेचा वेग किती असेल आदी माहिती देण्यात येणार आहे. त्याशिवाय अयोध्या, प्रयागराज, वाराणसी, नवी दिल्लीसह प्रमुख शहरांतील पुढील सात दिवसांचा हवामानविषयक अंदाज, सूर्योदय-सूर्यास्ताची माहितीही दिली जाणार आहे.