यूपीच्या बांदामध्ये पतीला दारू पिण्यास मनाई करणं एका महिलेला महागात पडलं आहे. पत्नीने नकार दिल्याने संतापलेल्या पतीने गळफास लावून जीव दिल्याची धक्कादायक घटना समोर आली आहे. दारू पिण्यावरून पत्नीचा पतीसोबत नेहमी वाद होत असे.घटनेच्या दिवशीही तिने पतीला रात्री उशिरा दारू पिण्यास मनाई केली होती.
तरुणाने त्यानंतर आत्महत्या केली. मृत्यूची माहिती मिळताच पोलिसांनी मृतदेह ताब्यात घेऊन शवविच्छेदनासाठी पाठवून पुढील कायदेशीर कारवाई सुरू केली. या घटनेने परिसरात खळबळ उडाली आहे. ही आत्महत्येची घटना कोतवाली शहरातील शुकुल कुआं परिसरात घडली. येथे राहणाऱ्या एका तरुणाला दारूचं व्यसन होतं. नातेवाईकांनी सांगितलं की, व्यक्ती दारू पिऊन घरात गोंधळ घालत असे.
पत्नी दारू पिण्यास सतत नकार द्यायची आणि त्यावरून सतत आपसात वाद व्हायचा. नातेवाईकांनी दिलेल्या माहितीनुसार, मुलगा कमावलेल्या पैशातून दारू प्यायचा. हा तरुण अचानक एवढं मोठं पाऊल उचलेल याची कल्पनाही नव्हती, असं मृताच्या नातेवाईकांनी सांगितलं. या घटनेनंतर कुटुंबीयांमध्ये खळबळ उडाली आहे.
पोलीस पुढील तपासात गुंतले आहेत. तरूण मोलमजुरी करून कुटुंब चालवत असे. याच घटनेबाबत डीएसपी शहर गवेंद्र पाल गौतम यांनी सांगितले की, कोतवाली शहरातील शुकुल कुआं येथे पती-पत्नीच्या वादातून एका व्यक्तीने आत्महत्या केली, मृतदेह शवविच्छेदनासाठी पाठवण्यात आला आहे, अहवालानंतर पुढील कायदेशीर कारवाई केली जाईल. एका हिंदी वेबसाईटने याबाबतचे वृत्त दिले आहे.