दरवर्षी लाखो लोक भरपूर पैसा खर्च करून विविध देशांना भेट देतात. तुम्हालाही विदेशात फिरण्याची इच्छा असेल, तर तुमच्यासाठी एक उत्तम संधी आली आहे. पण, यासाठी तुम्हाला जास्त पैसा आणि वेळ खर्च करावा लागणार आहे. ही विदेशवारी एका जहाजाद्वारे १००१ दिवसात पूर्ण होईल आणि तुम्ही जगभरतीत जवळपास १४० देशांना भेट देऊ शकता. Life At Sea Cruises ची MV Lara Cruise लोकांना जगभरात एका अनोख्या प्रवासावर घेऊन जाणार आहे. ज्यामध्ये प्रवाशांना अनेक देश पाहण्याची संधी मिळणार आहे. तुम्हालाही या अनोख्या प्रवासाला जायचे असेल, तर जाणून घ्या बुकिंग कसे असेल आणि भाडे काय असेल?
Life At Sea Cruises चे सीईओ सांगतात की, ज्या लोकांना आपल्या कामाचे आयुष्य आणि वैयक्तिक आयुष्य यात संतुलन राखायचे आहे, त्यांना लक्षात घेऊन ही टूर तयार करण्यात आली आहे. अशा परिस्थितीत जे लोक रिमोट वर्क करत आहेत किंवा वर्क फ्रॉम होम करत आहेत, ते या वर्ल्ड टूरवर जाऊ शकतात. या १३०,००० मैल लांबीच्या टूरची तयारी कामासोबतच प्रवास करणाऱ्या अशा रसिकांसाठी करण्यात आली आहे. MV Lara Cruise ७ खंडातील १४० देश आणि ३८२ बंदरांवर थांबेल. यादरम्यान ते चीन, रोम, भारत, उत्तर अमेरिका, युरोप आणि आफ्रिकेतील अनेक देशांमध्ये जाणार आहेत. या प्रवासात लोकांना जगातील १३ आश्चर्येही पाहायला मिळणार आहेत. प्रवाशांना प्रवासात जास्त वेळ पोर्ट टाइम मिळेल आणि अशा परिस्थितीत ते प्रत्येक देशात पुरेसा वेळ घालवू शकतील.
या संपूर्ण टूरमध्ये प्रवाशांच्या खाण्यापिण्याची आणि क्रूझवर राहण्याची भव्य व्यवस्था करण्यात आली आहे. क्रूझमध्येच जिम, पूल, स्पा, ऑडिटोरियम आणि रेस्टॉरंटची सुविधा असणार आहे. www.lifeatseacruises.com वर उपलब्ध असलेल्या माहितीनुसार, या क्रूझवर 3 वर्षांच्या प्रवासासाठी डबल ऑक्युपेंसी म्हणजेच दोन लोकांसाठी तुम्हाला प्रति वर्ष ७७,०२६ डॉलर भरावे लागतील. तिकीट बुक करण्यासाठी https://www.lifeatseacruises.com ला भेट द्यावी लागेल. भारतीय रुपयानुसार ही रक्कम ६३,७८,५२३ रुपये होते. आता या अनोख्या प्रवासाला ८५ दिवस उरले आहेत. ही क्रूझ १ नोव्हेंबर २०२३ रोजी इस्तंबूल येथून प्रवास सुरू करेल. ५ नोव्हेंबर रोजी बार्सिलोना येथून पकडले जाऊ शकते.