फिरायला गेल्यावर हॉटेलमध्ये राहून राहून कंटाळा आला असेल आणि वेगळ्या रोमांचक अनुभवासाठी तुम्ही तयार असाल तर कॅम्पिंगसाठी लोकप्रिय असलेल्या ठिकाणांना तुम्ही भेट देऊ शकता. उंचच डोंगर-दऱ्या आणि तलावांची ओळख आहे लेह-लडाख. येथील सुंदर डोंगर नेहमी पर्यटकांसाठी आकर्षण ठरले आहेत. या उन्हाळ्यात जर लदाखला जाण्याचा प्लॅन करत असाल तर आम्ही तुम्हाला कॅम्पिंगची काही खास ठिकाणे सांगणार आहोत.
१) नुब्रा व्हॅली -
हा आश्चर्यकारक घाट Tri-Arm Valley नावानेही ओळखला जातो. जर लदाखला जाणार असाल तर हे ठिकाण कॅम्पिंगसाठी परफेक्ट आहे. येथील बर्फाची चादर पांघरलेले डोंगर, जुने वाडे बघाण्यात एक वेगळीच मजा आहे. इथे कॅम्पिंग करण्याचा सर्वात चांगला कालावधी जून ते सप्टेंबर दरम्यानचा मानला जातो. कारण यावेळी येथील वातावरण फारच चांगलं असतं.
२) सिंधु नदी -
लेह-लदाखच्या सर्वात सुंदर ठिकाणांपैकी हे एक ठिकाण आहे. नैसर्गिक सुंदरता आणि आश्चर्यकारक दृश्यांसोबत इथे कॅंम्पिग करण्याची वेगळीच मजा आहे. हा परिसर सिंधु संस्कृतीचं घर आहे. ही संस्कृती मानव जातीची सर्वात जुनी संस्कृती मानली जाते. तुम्ही इथे दिवसा ट्रेक करू शकता आणि अधिक शानदार अनुभवासाठी इको-फ्रेन्डली Tsermang Eco Camp आणि Indus River Camp मध्ये रात्र घालवू शकता.
३) पॅंगोंग लेक -
शांत आणि सुंदर वातावरणात पॅंगोंग तलावाजवळ कॅम्पिग करू शकता. त्यासोबतच नैसर्गिक सुंदरतेचा आनंद घेऊ शकता. इथे चारही बाजूने असलेल्या हिरवळीच्या तुम्ही प्रेमात पडल्याशिवाय राहणार नाही.
४) Tso Kar Lake -
Tso Kar Lake इतकी स्वच्छ आहे की, जणू काचेची चादर भासावी. या इतक्या सुंदर नदीच्या काठावर तुम्ही कॅम्पिगचा अनोखा अनुभव घेऊ शकता.
५) मार्खा व्हॅली -
मार्खा व्हॅलीला Tea House Trek असंही म्हटलं जातं. हे लदाख आणि जांस्कर रेंज यांच्या मधील एक अद्भूत ठिकाण आहे. इथे तुम्ही दिवसा हेमिस नॅशनल पार्क, Gandala La आणि Kongmaru La इथे फिरू शकता. तर रात्री पॅराशूट टेंटमध्ये रात्र घालवू शकता.
६) Tsomoriri Lake -
ही लदाखमधील सर्वात मोठी लेक आहे. याची उंची १५ हजार ०७५ फूट इतकी आहे. तसेच इथे अनेक पार्क आहेत. जिथे ३० पेक्षा अधिक प्रजातींचे पक्षी बघायला मिळतात. तसेच इथे जवळच एक छोटं गाव असून तिथे तुम्ही स्थानिक पदार्थांचा आस्वाद घेऊ शकता. तुम्ही इथे नार्लिंग कॅम्प आणि Nomadic Camp साठी बुकिंग करू शकता.
७) झंस्कार व्हॅली -
ही फार लोकप्रिय व्हॅली आहे. इथे तुम्ही दिवसा फिरू शकता. तसेच जर तुम्हाला खुल्या आकाशाखाली रात्र घालवायची असेल तर त्यासाठीही हे ठिकाण बेस्ट आहे. याजवळच ट्रेकिंग ट्रेल आहे. इथे कॅम्पिंगसाठी जून ते सप्टेंबर हा कालावधी बेस्ट मानला जातो.