२०१९ मध्ये लॉग्न विकेंड कमीच, पण योग्य प्लॅनिंग ठरु शकतं फायदेशीर! 

२०१८ मध्ये मित्र आणि परिवारासोबत फिरण्याची अनेकांनी चांगलीच मजा केली. कारण २०१८ मध्ये एकूण १६ लॉन्ग विकेंड मिळाले होते.

(Image Credit : cheapflightsza.co.za)

२०१८ मध्ये मित्र आणि परिवारासोबत फिरण्याची अनेकांनी चांगलीच मजा केली. कारण २०१८ मध्ये एकूण १६ लॉन्ग विकेंड मिळाले होते. याचा भरपूर फायदा घेत अनेकांनी चांगलंच एन्जॉय केलं. पण आता २०१९ हे वर्ष लॉन्ग विकेंडबाबत तितकं चांगलं नसणार आहे. कारण नव्या वर्षात केवळ १० लॉन्ग विकेंड येत आहेत. हे लॉन्ग विकेंडही वेगवेगळ्या कंपन्यांच्या सुट्टीच्या पॉलिसीवर अवलंबून असतं. त्यामुळे या नव्या वर्षात लोकांना सुट्टी कमी घेता येईल आणि काम जास्त करावं लागणार आहे. 

विकेंडसोबत ३ किंवा त्यापेक्षा जास्त दिवसांची सुट्टी हवी असेल तर कर्मचाऱ्यांना २०१९ मध्ये फार प्लॅनिंग करावं लागणार आहे. त्यांना जास्त सुट्टी घेण्याची गरज पडू शकते. एप्रिलम २०१९ मध्ये आणि ऑगस्ट २०१९ मध्ये सर्वात जास्त सुट्टी मिळतील, पण यासाठी लोकांना काही दिवसांची सुट्टी घ्यावी लागेल. तेव्हाच लोक लॉन्ग विकेंड एन्जॉय करु शकतील. २०१९ मध्ये पहिला लॉन्ग विकेंड १२ जानेवारीला सुरु होणार आहे. म्हणजे शनिवार त्यानंतर १३ जानेवारीला रविवार आणि सोमवारी १४ जानेवारील मकर संक्रात आणि पोंगलची सुट्टी आहे.

मार्च महिन्यात २१ मार्चला होळी आहे. २२ मार्चला तुम्ही सुट्टी घेऊ शकता. त्यानंतर २३ मार्चला शनिवार आणि २४ ला रविवार आहे. एप्रिलमध्ये १७ एप्रिलला महाविर जयंतीची सुट्टी असेल. त्यानंतर एक दिवसाची सुट्टी घेऊ शकता. नंतर १९ एप्रिलला गुड फ्रायडेची सुट्टी आणि नंतर २० एप्रिलला शनिवार आणि २१ एप्रिलला रविवार आहे. अशाप्रकारे एप्रिलमध्ये तुम्हाला लॉन्ग विकेंड मिळू शकतो. 

मे महिन्यातही काही प्लॅनिंग करता येऊ शकतं. ९ मे रोजी गुरु रविंद्रनाथ जयंती आहे. त्यानंतर १० मे रोजी एक सुट्टी घ्यावी लागेल. ११ ला शनिवार आणि १२ ला रविवार आहे. लॉन्ग विकेंडसाठी ऑगस्ट महिना जरा अधिक चांगला आहे. कारण १० ऑगस्टला शनिवार, ११ ला रविवार आणि सोमवारी १२ तारखेला बकरी ईद आहे. त्यानंतर १५ ऑगस्ट, १६ तारखेला तुम्ही सुट्टी घेऊ शकता आणि नंतर पुन्हा शनिवार आणि रविवार तुम्हाला सुट्टी मिळू शकते. 

ऑक्टोबर महिन्यातही तुम्हाला काही सुट्ट्या घेऊन लॉन्ग विकेंड एन्जॉय करता येऊ शकतो. म्हणजे ४ ऑक्टोबरला तुम्ही सुट्टी घेतली तर ५ ला शनिवार आणि ६ ला रविवार पडतो. त्यानंतर ७ तारखेला सोमवारी रामनवमी आहे आणि ८ ऑक्टोबरला मंगळवारी दसरा आहे. त्यानंतर २६ आणि २७ ऑक्टोबरला शनिवार आणि रविवार येतो. त्यानंतर सोमवारी २८ तारखेला दिवाळी आमि २९ तारखेला भाऊबीज आहे.