ट्रेकिंगFOLLOW

भोर : केरळच्या अवलियाला महाराष्ट्रातील गडकिल्ल्यांची भुरळ पडली आहे. मागील ८ महिन्यांत ६ हजार किलोमीटरचा प्रवास करून १०८ किल्ले सर केले आहेत, तसेच पुढील वर्षभरात ३४३ किल्ले सर करण्याचे त्याचे धेय आहे. हमरास एम.के. असे गडकिल्ले सर करणाऱ्या केरळच्या अवलियाचे नाव आहे.हमरास भोर येथे आल्यानंतर जवाहर तरुण मंडळ चौपाटी, शिलेदार प्रतिष्ठान भोर, रोहिडा शिवजयंती उत्सव भोर व सकल मराठा समाजाच्या वतीने चौपाटी येथे छत्रपती शिवाजी महाराज यांच्या पुतळ्यास पुष्पहार घालून त्याचे स्वागत करण्यात आले. त्याने भोर तालुक्यातील रोहिडा, रायरेश्वर, केंजळगड किल्ले सर केले आहेत.१ मे, २०२२ पासून केरळावरून निघालेल्या हमरास एम.के. याने सायकलवरून सहा हजार किलोमीटर प्रवास करून महाराष्ट्रातील १०८ किल्ले सर केले आहेत. छत्रपती शिवाजी महाराज यांचे महाराष्ट्रातील ३४३ किल्ले सर करण्याची जिद्द मनामध्ये ठेवून हमरासचा सायकल प्रवास सुरू आहे. सौदी अरेबियामध्ये ड्रायव्हरची नोकरी करणारा हमरास (वय २६) कोटपुराम, केरळ येथून सायकल प्रवासाला निघाला आहे. तिरंगा अभियान यात्रा व छत्रपती शिवाजी महाराज यांची केरळमध्ये अधिक माहिती उपलब्ध व्हावी, या उद्देशाने त्याने हा प्रवास सुरू केला आहे. घनदाट जंगल कडेकपारीतून वाट काढत किल्ल्यावर जाताना या प्रवासामध्ये आलेले अनुभव त्याने यावेळी सांगितले. छत्रपती शिवाजी महाराजांचे कर्तृत्व आणि दातृत्व फार मोठे असल्याचा अनुभव संपूर्ण प्रवासात मिळत आहे.दरम्यान, प्रवासामध्ये महाराष्ट्रातील अनेक लोक मदत करतात, जेवणासाठीही विचारतात. प्रवासासाठी जिद्द हवी, पैशांची फारशी गरज लागत नाही. महाराष्ट्रातील सर्व शिवप्रेमी पुढे येऊन मदत करतात. महाराष्ट्राची संस्कृती मला प्रचंड आवडली. येथील लोक आपुलकीने वागतात. छत्रपती शिवरायांच्या पदस्पर्शाने पावन झालेल्या गड-किल्ल्यांची सफर करण्याचे ठरवून त्यांनी सफरीला सुरुवात केली आहे. लहानपणी सायकल चालविण्याची आवड व छत्रपती शिवाजी महाराज यांच्या शौर्याच्या कथांनी तो प्रेरित झाला होता. तेव्हापासून त्याने महाराजांचे किल्ले सर करण्याचा ध्यास घेतला. घनदाट डोंगर कपारी, जंगल, दरी यातून वाट काढत प्रवास करताना क्षणभर भीती निर्माण होत असते. मात्र, महाराजांनी त्या काळात हे गड, किल्ले कसे तयार केले असतील, याचा विचार करून पुढच्या प्रवासाला निघत असल्याचे दुर्गप्रेमी हमरास एम.के. याने यावेळी सांगितले.हे किल्ले केले सर केरळच्या हमरास एम.के. या अवलियाने राजगड, तोरणा, प्रतापगड, लोहगड, विजापूर, सुधागड, सारसगड, मृगगड, हरिहर, कतरा, माहुली, आशेरी, गंभीर, तांदूळवाडी, कोहोज, रोहिडा, रायरेश्वर, केंजळगड असे १०८ किल्ले सर केले आहेत.

लाईव्ह न्यूज :

नवरात्री महोत्सव २०२५

पूर ओसरला, पण सगळं घेऊन गेला!

CM फडणवीसांची मोठी घोषणा

'ट्रॉफीचोर' नकवी

ICC Women's World Cup

सोनम वांगचुक अडकले?

PM नरेंद्र मोदी

लोकमत ई-पेपर

शहरं

मनोरंजन

व्हिडीओ

ट्रेकिंगFOLLOW

Read more

पुणे : कोयनेच्या जंगलातील किल्ला वार्क्षदुर्ग वासोटा

पुणे : भीमाशंकरच्या खोल दरीत सहा युवक अडकले; पोलीस प्रशासन अन् स्थानिकांच्या मदतीने बचावले

पुणे : लोणावळ्याच्या जंगलात आढळला तरुणाचा मृतदेह; एकटा फिरताना हरवल्यानंतर संपर्क झाला, पण...

पुणे : Night Trekking: किल्ल्यावरील चांदण्यारात्रीचा मुक्काम आता विसर गड्या!

सखी : शाब्बास पोरी! मुंबईच्या ऱ्हिदमनं वयाच्या अवघ्या १० वर्षी सर केला एव्हरेस्ट बेस कॅम्प

पुणे : लेणी पाहण्यासाठी आलेल्या विद्यार्थ्यांवर मधमाशांचा हल्ला; ३० जखमी, एका मुलीची प्रकृती गंभीर

क्राइम : ठाण्यातील संजय गांधी राष्ट्रीय उद्यानात पवईच्या वृद्ध ट्रेकरचा मृत्यू

पुणे : ट्रेक करताना माकडांपासून सावधान! २ दिवसांत २ ट्रेकरचा मृत्यू; तोरणा किल्ल्यावरील धक्कादायक घटना

पुणे : तोरणा गडावर चढताना डोक्यात दगड पडून २१ वर्षीय युवकाचा मृत्यू