नवी मुंबई महानगरपालिका निवडणूक निकाल २०२६FOLLOW

नारायण जाधव -नवी मुंबई : महापालिका निवडणुकीसाठी महायुती वा महाविकास आघाडी यापैकी सोमवारी संध्याकाळी पाच वाजेपर्यंत नवी मुंबईसह पनवेलमध्ये कोणत्याच पक्षाने अधिकृत उमेदवारांची यादी जाहीर केलेली नाही. तरीदेखील दोन्ही शहरांत अनेक माजी नगरसेवकांसह विविध पक्षांच्या पदाधिकारी, त्यांच्या नातेवाइकांनी आपापले नामांकन अर्ज निवडणूक अधिकाऱ्यांकडे भरले आहेत. यामुळे मतदारांत अमक्याने तमक्या पक्षाकडून अर्ज भरला, असे वातावरण तयार झाले आहे; परंतु ‘एबी फॉर्मशिवाय या अर्जांना अर्थ नसला तरी संबंधित इच्छुकांचा आपल्या गॉड फादरच्या मान्यतेने हा एक दबावतंत्राचा फार्स असल्याची चर्चा आहे.नवी मुंबई आणि पनवेलमध्ये शिंदेसेना आणि भाजपची महायुती फिसकटल्यात जमा आहे, तर महाविकास आघाडी एकत्र लढणार असल्याचे सांगण्यात आले. मात्र, कोणत्या पक्षाने कोणत्या जागा लढायच्या याचा सस्पेन्स अद्याप कायम आहे. सर्वच पक्षात इच्छुकांची संख्या मोठी आहे. नवी मुंबईत १११ जागांसाठी अडीच हजारांवर इच्छुकांनी मुलाखती दिल्या आहेत, तर अडीच हजारांवर जणांनी नामांकन अर्ज विकत घेतले आहेत. यातील अनेकांनी सोमवारी शक्तिप्रदर्शन करून आपले नामांकन अर्ज भरले आहेत. ‘एबी फॉर्म नसताना कसे काय अर्ज भरले याची चर्चा सुरू आहे; परंतु पक्षश्रेष्ठींवर दबाव आणण्यासाठी खेळलेली ही एक खेळी असल्याचे यामागे सांगण्यात येत आहे. कारण मंगळवारी दुपारी दोन वाजेपर्यंत अर्ज स्वीकारण्याची अंतिम मुदत आहे. त्यामुळे ३१ डिसेंबरला अर्जांची छाननी होण्याआधीपर्यंत आता नामांकन अर्ज भरलेले उमेदवार आपला ‘एबी फॉर्म जमा करू शकतात.यांनी भरला अर्ज एका घरात दोनहून अधिक तिकिटे हवे असलेले उमेदवार, आमदार, पक्षाचे पदाधिकारी यांचे नातेवाईक असलेले इच्छुकांनी प्रामुख्याने साेमवारी पनवेल, नवी मुंबईतून नामांकन अर्ज भरले आहेत. काही जण मंगळवारी भरण्याच्या तयारी आहेत. जेणेकरून ‘एबी फॉर्मसाठी पक्षश्रेष्ठींवर दबाव आणता येईल. अर्ज भरणाऱ्यांमध्ये शिंदेसेना आणि भाजप, उद्धवसेना, तसेच शेकापच्या इच्छुकांचा जास्त भरणा असल्याची चर्चा आहे.अनेकांचे दोन-दोन अर्जनियम ओळखून अनेकांनी दोन दोन अर्ज भरले आहेत. यात एक अर्ज अपक्ष म्हणून तर एक पक्षाकडून भरला आहे. यात पक्षाने ‘एबी फॉर्म दिला नाहीतर आम्ही बंडखोरी करून अपक्ष उमेदवारी लढू शकतो, असा दबाव आणण्याची काहींची खेळी आहे. यासाठी काहींना संबंधित गॉड फादरचीसुद्धा मूकसंमती असल्याचे सांगतात.

लाईव्ह न्यूज :

'नीट' पेपरफुटीः अटकसत्र सुरू

PM मोदींचा महत्त्वाकांक्षी दौरा

ट्रम्प चीनला गेले.. परतले..

CM देवेंद्र फडणवीस

IPL 2026

लोकमत ई-पेपर

शहरं

मनोरंजन

व्हिडीओ

नवी मुंबई महानगरपालिका निवडणूक निकाल २०२६FOLLOW

Read more

नवी मुंबई : Navi Mumbai Municipal Election 2026: नवी मुंबईत शक्यता धूसर; दोन्ही पक्षांकडून १११ जागांसाठी तयारी

नवी मुंबई : आयारामांना उमेदवारी देण्यावरून भाजपात फटाके; संघ स्वयंसेवकांच्या शोकसभेत बंडाचा इशारा

नवी मुंबई : कामगार नाक्यांवरही दिसू लागले निवडणुकीचे रंग

नवी मुंबई : युतीच्या चर्चा फिसकटल्या? आता बंडखोरी टाळण्यासाठी विलंब

नवी मुंबई : निवडणुकीची प्रक्रिया होणार सहज, सुलभ; प्रत्येक निवडणूक कार्यालयात १० कक्ष

नवी मुंबई : कुणाला देवदर्शन, कुणाला फार्म हाऊसवर पार्ट्या, भेटवस्तू, सहली

नवी मुंबई : तीन दशकांत ५६ हजार कोटींची गंगाजळी; २० जणांनी सांभाळली तिजोरीची चावी

नवी मुंबई : अंथरुणाला खिळून असलेले मतदानापासून राहणार वंचितच, गृहमतदानाची सोयच नाही : राज्य निवडणूक आयुक्त

नवी मुंबई : नवी मुंबईत शिंदेसेना-भाजपमध्येच रस्सीखेच; मविआची धडपड सुरू

महाराष्ट्र : “नगरपालिका निकालाने विरोधकांचे पानिपत, आता मनपासाठी एक दिलाने कामाला लागा”: DCM शिंदे