किचन टिप्सFOLLOW

आजच्या व्यस्त जीवनशैलीत कोणाकडेही इतका वेळ नसतो की आरामात तासनतास किचनमध्ये वेळ घालवता येईल. सकाळी घाईच्यावेळी किंवा ऑफिसवरून घरी आल्यानंतर चपात्यांची कणीक मळणं, चपात्या लाटणं इतकावेळ कोणाकडेही नसतो. चपात्या करणं हे काम एखाद्या टास्कप्रमाणे वाटतं. ज्यामुळे लोकांचा आत्मविश्वास कमी होऊ लागतो. पण हे त्रास टाळण्यासाठी तुम्ही १ सोपी युक्ती वापरू शकता. ज्यात तुम्हाला पीठ मळावं लागणार नाही, ना लाटणं उचलावं लागणार. फक्त एक पातळ मिश्रण तयार करायचं आहे. (Chapati Recipe No Knead No Roll Soft Roti Easy Recipe)विशेष म्हणजे या पद्धतीनं केलेल्या चपात्या लाटून केलेल्या चपात्यांप्रमाणेच टम्म फुगतात आणि बराचवेळ मऊसुद्धा राहतात. तुम्हालाही किचनमधला वेळ वाचवायचा असेल आणि पटकन स्वंयपाक करायचा असेल तर तुम्ही काही सोप्या टिप्स वापरू शकता. (Chapati Recipe No Knead No Roll Soft Roti Easy Recipe) चपाती करण्याची सोपी पद्धत कोणती?ही पद्धत खूपच खास आणि परफेक्ट आहे जे लोक स्वयंपाकात नवशिके आहेत किंवा ज्यांना लवकर काम संपवायचं आहे त्यासाठी ही पद्धत उत्तम ठरते. गव्हाच्या पिठाच्या पिठात पाणी मिसळून एक पातळ मिश्रण तयार करा. हे मिश्रण जास्त पातळ असू नये किंवा जास्त घट्टही असू नये. हे मिश्रण तव्यावर पसरवून घ्या. याला नो नीड आणि नो रोल टेक्निकही म्हणतात.हे मिश्रण तयार करण्याची योग्य पद्धतसगळ्यात आधी एका मिक्सिंग बाऊलमध्ये १ कप गव्हाचं पीठ घ्या. त्यात थोडं बेसन मिसळा जेणेकरून टेक्स्चर चांगले येईल आणि चवही चांगली लागेल. यात चवीनुसार मीठ घाला तुम्हाला चपाती जास्त मऊ हवी असेल तर तुम्ही यात १ चमचा तेलसुद्धा मिसळू शकता, हळूहळू पाणी घाला. एक पातळ आणि गाठी नसलेलं मिश्रण तयार करा. हे मिश्रण तव्यावर सहज पसरेल इतकं पातळ असावं.तव्यावर चपाती पसरवण्याची योग्य पद्धतहे मिश्रण तयार झाल्यानंतर लगेच वापरू नका. १० ते १५ मिनिटांसाठी तसंच ठेवा. ही स्टेप खूप गरजेची आहे. कारण यामुळे पीठ पाणी नीट शोषून घेते. जेव्हा तुम्ही १५ मिनिटांनी पुन्हा हे पीठ वापराल तेव्हा ते घट्ट आणि स्मूथ आणि लवचीक बनेल. ज्यामुळे चपाती फाटत नाही आणि व्यवस्थित शिजेल.तवा गरम झाल्यानंतर मध्यम आचेवर ठेवा. तवा जास्त गरम असू नये. अन्यथा चपाती जास्त शिजते किंवा आतून कच्ची राहते. नंतर एका चमच्याच्या मदतीनं थोडं मिश्रण तव्यावर गोल गोल पसरवा. तुम्ही तुमच्या आवडीनुसार चपाती पातळ किंवा थोडी जाड बनवू शकता.चपाती शिजवण्याची आणि उलटण्याची योग्य पद्धत जेव्हा चपाती वरून शिजलेली दिसेल तेव्हा तव्यावर पलटी करून दुसऱ्या बाजूनंही व्यवस्थित शेकून घ्या. चपाती शिजल्यानंतर कापडानं हलका दबाव द्या. ज्यामुळे चपातीची वाफ व्यवस्थित राहील आणि चपाती मऊ होईल.चपाती गॅसवर फुगवण्याची सोपी पद्धत जेव्हा चपाती दोन्ही बाजूंनी व्यवस्थित शिजेल तेव्हा पलटून थेट आचेवर ठेवा. तुम्हाला दिसेल की चपाती फुग्याप्रमाणे व्यवस्थित फुगली आहे. या पद्धतीनं बनवलेल्या चपात्या मऊ राहतात.जेव्हा तुम्हाला किचनचं काम लवकर आवरायचं असेल तेव्हा ही ट्रिक वापरा. यामुळे फक्त वेळेची बचत होणार नाही तर कमी मेहनतीत जास्त काम होईल. खासकरून विद्यार्थी, बॅचलर आणि कामाला जाणाऱ्या लोकांसाठी ही एक टाईम सेव्हर ट्रिक ठरू शकते.

लाईव्ह न्यूज :

'नीट' पेपरफुटीः अटकसत्र सुरू

PM मोदींचा महत्त्वाकांक्षी दौरा

ट्रम्प चीनला गेले.. परतले..

CM देवेंद्र फडणवीस

IPL 2026

लोकमत ई-पेपर

शहरं

मनोरंजन

व्हिडीओ

किचन टिप्सFOLLOW

Read more

सखी : उन्हाळ्यातला प्रश्न चुटकीसरशी सोडवा-करा झणझणीत वाटणातली कांद्याची भाजी, ५ मिनिटांत चमचमीत भाजी तयार

सखी : बेसिन- सिंक- बाथरुम ड्रेनमधून दुर्गंधी येते, पाणी साठते? ३ घरगुती उपाय-तुंबलेली घाण निघेल चटकन

सखी : कधी चहा फक्कड जमतो कधी पातळ-पांचट होतो, असं का? ‘हा’ टायमिंगचा खेळ समजून घ्या, चहा होईल मस्त

सखी : तुमचा पैसा पूर्ण करू शकतो तुमच्या इच्छा! प्रत्येक महिलेला माहिती हवेत बचतीचे फक्त ५ मंत्र!

सखी : आंब्याच्या मौसमात इटालियन खाऊ, पाहा इटालियन पन्ना कोटाची भन्नाट रेसिपी-मुलं तर म्हणतील रोज रोज हवे

सखी : हॉटेलात ४०० रुपयांत मिळणारा पास्ता घरीच करा १० मिनिटांत, खा पोटभर-चव हॉटेलपेक्षा उत्तम

सखी : डॉक्टर सांगतात 'हा' पदार्थ म्हणजे उन्हाळ्यातला परफेक्ट नाश्ता, बघा रेसिपी- वाचा त्याचे फायदे

सखी : टपरीस्टाईल चहा घरी करताना आधी चहा पावडर घालावी की साखर? फक्कड चहाची सिक्रेट ट्रिक

सखी : हे ३ पदार्थ तांबे पितळाच्या भांड्यांमध्ये अजिबात ठेवू नका, पोट दुखून पडाल हमखास आजारी