जितेंद्र आव्हाडFOLLOW

CM Devendra Fadnavis: भाजपाचे आमदार गोपीचंद पडळकर आणि आमदार जितेंद्र आव्हाड यांच्यात सुरु असलेल्या वादाला गुरुवारी वेगळं वळण मिळालं. विधान भवनाच्या लॉबीमध्ये जितेंद्र आव्हाड आणि गोपीचंद पडळकर यांच्या कार्यकर्त्यांमध्ये हाणामारी झाली. याप्रकरणी विरोधकांसह सत्ताधाऱ्यांनीही संताप व्यक्त केला. विधानसभा अध्यक्ष राहुल नार्वेकर यांनीही याप्रकरणी संताप व्यक्त करत कारवाईच्या सूचना दिल्या. त्यानंतर सभागृहात याच मुद्द्यावरुन जितेंद्र आव्हाड यांनी बोलताना त्यांना आलेल्या धमक्यांचा उल्लेख केला. यावरुनच मुख्यमंत्री देवेंद्र फडणवीस यांनी संताप व्यक्त करत कधीतरी राजकारणाच्या पलीकडे जाणार आहात की नाही असा सवाल उपस्थित केला.मुख्य सुरक्षा अधिकाऱ्यांनी अहवाल दिल्यानंतर विधानसभा अध्यक्ष राहुल नार्वेकर यांनी कारवाईची घोषणा केली. "नितीन देशमुख याने जितेंद्र आव्हाडांचा कार्यकर्ता असल्याचे सांगितले. तर सर्जेवार टकलेने पडळकरांचा मावस भाऊ असल्याचे सांगितले. अधिकृत पास नसताना यांनी विधानभवनात येऊन मारामारी केली. सभागृहाच्या सदस्यांनी बाहेरच्यांना योग्य नाही. देशमुख आणि टकले यांच्यावर अवमानाची कारवाई करण्यासाठी हे प्रकरण विधानसभा विशेष अधिकार समितीकडे पाठवण्यात यावे, तसेच जितेंद्र आव्हाड आणि गोपीचंद पडळकर यांनी या दोघांना विधानभवनात आणल्याप्रकरणी आणि त्यांनी केलेल्या कृतीबद्दल खेद व्यक्त करावा, असं विधानसभा अध्यक्ष राहुल नार्वेकर यांनी म्हटलं.विधानसभा अध्यक्षांच्या आदेशानंतर गोपीचंद पडळकर यांनी खेद व्यक्त केला. त्यानंतर जितेंद्र आव्हाड बोलण्यासाठी उभे राहिले. यावेळी त्यांनी नितीन देशमुख माझ्यासोबत आला नव्हता. त्यामुळे ते रेकॉर्डवरुन काढून टाकण्यात यावं असं म्हटलं. त्यानंतर आव्हाड यांनी त्यांना मिळालेल्या धमकीबाबत बोलण्यास सुरुवात केली. यावरुन विधानसभा अध्यक्षांनी तु्म्हाला या विषयी राजकारण करायचं आहे का असं म्हटलं. त्यानंतर विरोधकांनी आक्रमक भूमिका घेतल्याने मुख्यमंत्री देवेंद्र फडणवीस यांनी बोलण्यास सुरुवात केली."धमकीचा उल्लेख करण्याला मनाई नाही. पण अध्यक्षांनी एखादा प्रस्ताव मांडल्यानंतर कधीतरी राजकारणाच्या पलीकडे जाणार आहात की नाही. तो विषय वेगळा मांडता येईल. ही प्रतिष्ठा कुण्या एका व्यक्तीची नाही. इथे बससेल्या प्रत्येकाची प्रतिष्ठा खराब झाली आहे. आज बाहेर ज्या शिव्या पडत आहेत त्या एकट्या पडळकर किंवा यांच्या माणसाला पडत नाहीत. सगळे आमदार माजले असं आपल्या नावाने बोललं जातं. प्रत्येक गोष्टीचे राजकारण करुन आपण महाराष्ट्रातल्या जनतेला काय सांगणार आहोत," असं मुख्यमंत्री देवेंद्र फडणवीस म्हणाले.

लाईव्ह न्यूज :

GST झाला कमी, होऊ दे खर्च!

मराठा समाज खूश, OBC नाराज

गणेश महोत्सव

CM देवेंद्र फडणवीस

PM नरेंद्र मोदी

ट्रम्प 'टॅरिफ'वर अडून..

लोकमत ई-पेपर

शहरं

मनोरंजन

व्हिडीओ

जितेंद्र आव्हाडFOLLOW

Read more

संपादकीय : सावध ! विंचू पिंडीवर बसलाय ! पडळकर हा विषय अत्यंत गंभीर अन् आव्हाडांची गँग...

महाराष्ट्र : मुख्यमंत्री संतापले : लाेक म्हणतात आमदार माजले, आपण लाथाबुक्क्यांतून संदेश देणार आहोत का?

महाराष्ट्र : पडळकरांकडून दिलगिरी व्यक्त; जे घडले ते वाईटच : आव्हाड

महाराष्ट्र : आव्हाड घुसले पोलिस कारखाली, ओढून काढावे लागले बाहेर

महाराष्ट्र : विधिमंडळ परिसरात धक्काबुक्की प्रकरणी विधानसभा अध्यक्षांनी निर्णय दिला, दोषींवर होणार अशी कारवाई

मुंबई : आमदार माजलेत असं बाहेर म्हटलं जातंय, राजकारणाच्या पलीकडे जाणार की नाही?; CM फडणवीसांनी विरोधकांना सुनावलं

महाराष्ट्र : 'करेंगे दंगे चारों ओर', महाराष्ट्र विधानसभेतील हाणामारीवर कुणाल कामराने टीका केली; व्हिडीओ व्हायरल

मुंबई : जितेंद्र आव्हाड यांच्याविरोधात गुन्हा दाखल, मरिन ड्राईव्ह पोलीस ठाण्यात दाखल करण्यात आला गुन्हा

महाराष्ट्र : Rohit Pawar: आवाज खाली करा, बोलता येत नसेल तर...; रोहित पवारांनी पोलीस अधिकाऱ्याला झापलं!

मुंबई : Video: आव्हाड-दानवे बोलत होते, रिपोर्टर रेकॉर्डिंग करत होता... आव्हाडांना राग आला... हात उचलला! बघा, काय घडलं!