जयंत पाटीलFOLLOW

NCP SP Group Jayant Patil Wishes On New Year 2025: नवीन वर्ष सुरू झाले आहे. केवळ भारतात नाही, तर संपूर्ण जगभरात नववर्षाचे उत्साहात स्वागत केले जात आहे. देशाचे पंतप्रधान नरेंद्र मोदी यांच्यापासून राजकीय वर्तुळातील तसेच देशभरातील अन्य क्षेत्रातील मान्यवर मंडळींनी देशवासीयांना नववर्ष २०२५ च्या शुभेच्छा दिल्या आहेत. राष्ट्रवादी काँग्रेस शरद पवार गटाचे नेते आणि आमदार जयंत पाटील यांनी नवीन वर्ष २०२५ च्या शुभेच्छा देताना राष्ट्रवादी काँग्रेस पक्ष - शरदचंद्र पवार परिवारातील सर्व सदस्य एक पत्र लिहिले आहे. जयंत पाटील यांनी एक्सवर या पत्राची पोस्ट शेअर केली आहे. या पत्रात जयंत पाटील यांनी सरलेल्या २०२४ या वर्षाचा आढावा घेऊन आता पुढे पक्षाची वाटचाल कशी असेल, तसेच कार्यकर्त्यांनी नेमके काय विसरता कामा नये, याबाबत मन की बात बोलून दाखवली आहे. जयंत पाटील यांनी राष्ट्रवादी काँग्रेस पक्ष - शरदचंद्र पवार परिवारातील सर्व सदस्यांना लिहिलेल्या पत्रात नेमके काय म्हटले आहे, ते जाणून घेऊया...साहेबांचा कार्यकर्ता सदैव लढणारा अन् आपल्या पक्षाचा DNA...प्रति, राष्ट्रवादी काँग्रेस पक्ष - शरदचंद्र पवार परिवारातील सर्व सदस्य, आपल्या सर्वांना नवीन वर्षाच्या मनःपूर्वक शुभेच्छा ! २०२४ हे वर्ष आपल्या पक्षासाठी अत्यंत संमिश्र असे वर्ष होते. एकीकडे आपल्या पक्षाचे लोकसभेत सर्वाधिक ८ खासदार निवडून आले तर दुसरीकडे विधानसभा निवडणुकीत मात्र आपल्या अपेक्षेपेक्षा अत्यंत कमी असे यश आपल्याला मिळाले. अर्थात, या अपयशाची कारणीमिमांसा विविध स्तरांवर चालू आहेच. आता दीन दुबळ्यांची, पददलितांची, शेतकरी, कामगार व महिलांची लढाई पुन्हा एकदा नव्याने लढण्यासाठी सज्ज होण्याची ही वेळ आहे. सह्याद्रीसारख्या कणखर अशा आदरणीय शरदचंद्र पवारसाहेब यांच्या पक्षाचे आपण सर्व कार्यकर्ते आहोत, साहेबांचा कार्यकर्ता हा सदैव लढणारा कार्यकर्ता आहे, रडणारा नाही. निवडणुकीत जे अपयश आले ते मागे सोडून आता पुढे जाऊयात. आजही आपल्या पक्षातील एकही पदाधिकारी अथवा कार्यकर्ता जागेवरून हललेला नाही, हेच आपल्या पक्षाचे सर्वात मोठे यश आहे. पुन्हा एकदा महाराष्ट्र धर्म रक्षणाच्या लढाईसाठी आणि महाराष्ट्राच्या विकासासाठी सज्ज होऊयात ! छत्रपती शिवाजी महाराज आणि फुले, शाहू आंबेडकर हा आपल्या पक्षाचा DNA आहे, हे आपण विसरता कामा नये. निवडणुकीतील लाट ही केवळ एकदाच येत असते म्हणूनच नव्या वर्षात एक नवीन सुरुवात करूयात. येणाऱ्या स्थानिक स्वराज्य संस्थेच्या निवडणुकांसाठी आणि महाराष्ट्रातील नागरिकांवर होत असलेल्या अन्यायाविरोधात लढण्यासाठी आपल्याला सज्ज व्हायचे आहे.पुन्हा एकदा आपल्याला व आपल्या कुटुंबातील सर्वांना माझ्याकडून नवीन वर्षाच्या मनःपूर्वक शुभेच्छा ! सदैव आपलाच, जयंत पाटील

लाईव्ह न्यूज :

'मिशन महापालिका'

'भाऊबंध' जुळले, ठाकरेंचं ठरलं!

CM फडणवीसांची रणनीती

शिंदेंसेनेची 'जुळवाजुळव'

काका-पुतण्या एकत्र येणार?

PM नरेंद्र मोदी

लोकमत ई-पेपर

शहरं

मनोरंजन

व्हिडीओ

जयंत पाटीलFOLLOW

Read more

पुणे : Jayant Patil: आमचं घड्याळ चोरीला गेलंय, तुतारीला मतदान करा: जयंत पाटलांचे आवाहन

पुणे : Jayant Patil: मुख्यमंत्री व दोन उपमुख्यमंत्र्यांनी महाराष्ट्र गुजरातच्या दावणीला बांधला, जयंत पाटलांची टीका

नाशिक : महाराष्ट्र गुजरातला आंदण, उद्योगांसोबतच पाणीही गुजरातला नेण्याचा मनसुबा: जयंत पाटील

महाराष्ट्र : बापाचा विषयच नाही इथे, तुमचे काकाच...; जयंत पाटलांचा अजित पवारांवर 'वार'

महाराष्ट्र : मुस्लिम संघटनेच्या १७ मागण्या मान्य केल्याचे पत्र 'खोटं'; शरद पवार गटाचा खुलासा

महाराष्ट्र : पृथ्वीवर यांच्यासारखा पक्ष नसेल; जयंत पाटलांच्या टीकेवर तटकरे म्हणाले, तुमचा करेक्ट कार्यक्रम...

महाराष्ट्र : महाविकास आघाडीला किती जागा मिळणार? जयंत पाटलांनी आकडाच सांगितला! मोदी-शाहंवरही निशाणा साधला

महाराष्ट्र : “जगात असा पक्ष पाहिला नाही की...”; पक्षचिन्हावरुन जयंत पाटलांची अजितदादांवर टीका

महाराष्ट्र : ठाण्यात बिल न देता हॉटेलात जायची सवय तेच दावोसमध्ये केले; जयंत पाटलांचा शिंदेंना जोरदार टोला

रत्नागिरी : त्रिकुटामुळे महाराष्ट्र गुजरातपुढे नतमस्तक, जयंत पाटील यांचे टीकास्त्र