जीएसटीFOLLOW

राजेश मडावी ।लोकमत न्यूज नेटवर्कचंद्रपूर : कोरोनामुळे उद्योग-व्यवसायांचे अर्थचक्र थांबले. लॉकडाऊनमध्ये थोडी शिथिलता दिल्याने काही व्यवसाय सुरू झालेत. मात्र, आगामी आर्थिक वर्षात मनपाचे कोट्यवधींचे उत्पन्न घटणार आहे. या संकटाचा सामना करण्यासाठी मनपाची मदार आता केवळ मालमत्ता कर आणि जीएसटी परताव्यावरच असणार आहे. विशेष म्हणजे जीएसटी परताव्याचा ५ कोटी २९ लाखांचा निधी राज्य सरकारकडून अद्याप मिळाला नाही. त्यामुळे मनपाला यापुढे विकासकामांचे प्राधान्यक्रमच बदलावे लागणार आहे.चंद्रपूर महानगर पालिकेकडून दरवर्षी अत्यावश्यक बाबींवर कोट्यवधींचा निधी खर्च केला जातो. प्रामुख्याने कर्मचारी व सेवानिवृत्तांच्या वेतनासाठी सर्वाधिक निधी आरक्षित ठेवावा लागतो. शिवाय, शहरातील पाणीपुरवठा, घनकचरा व्यवस्थापन, सांडपाणी आणि अन्य कामांसाठी निधी राखून आरक्षित ठेवले जाते. शिवाय विकास आराखड्यातील मंजूर कामांसाठी स्वतंत्र उभारला जातो. यंदा कोरोनामुळे महानगरपालिकेच्या उत्पन्नावर अनिष्ट परिणाम झाला आहे. लॉकडाऊनमध्ये सातत्याने वाढ होत असल्याने यंदा महानगर पालिकेला कोट्यवधींच्या महसुली उत्पन्नावर पाणी सोडावे लागणार आहे. दर महिन्याला मनपाला जीएसटी परतावा म्हणून राज्य सरकारकडून रक्कम अदा केली जाते. जीएसटी परताव्याच्या माध्यमातून मनपाच्या तिजोरीत भर पडत असते. कोरोनामुळे उत्पन्न घटल्याने जीएसटी परताव्यावरच मनपाला अवलंबून राहण्याची वेळ आहे. तिजोरीत खळखळाट झाल्यास अत्यावश्यक कामे वगळून काही निर्माणाधिन व प्रस्तावित विकास कामांनाही गुंडाळून ठेवण्याची वेळ मनपावर येऊ शकते. अशा आर्थिक पेचप्रसंगात जीएसटी परतावा मोठा आधार आहे. मात्र, राज्य सरकारकडून ५ कोटी २९ लाख केव्हा मिळणार, याची मनपाला प्रतीक्षा आहे.करवसुली फक्त ५८ टक्केसन २०१८-१९ च्या सुधारित अंदाजपत्रकानुसार ३४ कोटी ९१ लाख आणि सन २०१९-२० च्या अंदाजपत्रकानुसार ३४ कोटी ७२ लाखांचे उत्पन्न निधी विविध प्रकारच्या करातून मनपाला मिळाले. यामध्ये मालमत्ता कराचामोठा वाटा आहे. मात्र, आतापर्यंत केवळ ५८ टक्के कर वसुली झाली. जानेवारी, फेबु्रवारी व मार्च महिन्यातच मोठी कर वसुली होते. लॉकडाऊनमुळे यंदाचे गणित बिघडले. मालमत्ता कर वसुलीसाठी डिमांड बूक छापण्याचे काम सुरू आहे. परंतु, कोरोनाचे संकट पूर्णत: टळल्यानंतरच पुढची कार्यवाही करावी लागणार आहे.कोरोना प्रतिबंधासाठी २ कोटी ३३ लाखकोरोनाविरूद्ध प्रतिबंधात्मक उपाययोजना करण्यासाठी मनपा जिल्हा नियोजन समितीकडून २ कोटी ३३ लाखांचा निधी मिळाला. यातून शहरात अनेक उपाययोजना केल्या जात आहेत, असा दावा मनपाने केला. स्वबळावर निधी उभारणे शक्य नसल्याने कोरोनावर मात करण्यासाठी पुन्हा सुमारे १२ कोटींचा प्रस्ताव शासनाकडे पाठविण्यात येणार असल्याची माहिती सूत्राने दिली.कोरोनाचा प्रादुर्भाव होऊ नये, यासाठी मनपाकडून विविध प्रतिबंध उपाययोजना सुरू आहेत. यंदा कर वसुलीवर अनिष्ट परिणाम झाला आहे. राज्य शासनाकडून जीएसटी परताव्याची रक्कम मनपाला येणे बाकी आहे.- राजेश मोहिते,आयुक्त, मनपा, चंद्रपूर

लाईव्ह न्यूज :

गणपती बाप्पा मोरया!

जरांगे Vs. हाके जुंपली!

टॅरिफ.. ट्रम्प.. भारत.. जग

CM देवेंद्र फडणवीस

'बिग बॉस'च्या घरात कोण कोण?

PM नरेंद्र मोदी

लोकमत ई-पेपर

शहरं

मनोरंजन

व्हिडीओ

जीएसटीFOLLOW

Read more

व्यापार : जीएसटी रिफंडसाठी एकच प्राधिकरण निर्माण करणार

राष्ट्रीय : मोदी सरकार-2 लवकरच 'हे' पाच मोठे निर्णय घेणार?

ठाणे : जीएसटीच्या वसुलीसाठी आता ‘तडजोडी’चा उतारा

क्राइम : आजारपणाला कंटाळून जीएसटी अधीक्षकाची ३० व्या मजल्यावरून उडी मारून आत्महत्या

व्यापार : बिल्डर्स, डेव्हलपर्सला जीएसटी अंतर्गत आरसीएम

राष्ट्रीय : जिंकलंस भावा... IRCTC शी दोन वर्षे लढून त्याने 35 रुपये GST परत मिळवलाच!

नागपूर : जीएसटी अनुदानात पुन्हा वाढ : नागपूर मनपाला दिलासा

व्यापार : जीएसटीमधील डेव्हलपमेंट राइट््सची करपात्रता

व्यापार : जीएसटी, कंपनी कायद्यामुळे लेखापरीक्षकांना ‘अच्छे दिन’

नवी मुंबई : अक्षय्य तृतीया मुहूर्तासाठी विकासक सरसावले