जीएसटीFOLLOW

विजयकुमार सैतवालजळगाव : नॉन ब्रँडेड धान्यावर पाच टक्के वस्तू व सेवा कर ( जीएसटी ) लावण्याच्या निर्णयाविरुद्ध शनिवार, १६ जुलै रोजी जळगावातील दाणाबाजार, कृषी उत्पन्न बाजार समिती तसेच दालमिल बंद ठेवून केंद्र सरकारच्या धोरणाचा निषेध करण्यात आला. यामुळे जळगावात एकाच दिवसात ७० कोटी रुपयांचे व्यवहार ठप्प झाले. या बंदमुळे दाणाबाजार, कृषी उत्पन्न बाजार समितीमध्ये शुकशुकाट होता तर दालमिलची चाकेदेखील थांबली होती. नॉन ब्रँडेड धान्य, डाळी तसेच इतर खाद्यान्न वस्तूंवर पाच टक्के जीएसटी लागू करण्याचा निर्णय जीएसटी कौन्सिलमध्ये घेण्यात आला व त्याची अंमलबजावणी १८ जुलैपासून होणार असल्याने या निर्णयाला व्यापाऱ्यांचा विरोध आहे. या निर्णयाचा मोठा परिणाम व्यापाऱ्यांसह शेतकरी आणि सामान्य नागरिकांवर होणार आहे. त्यामुळे केंद्र सरकारच्या या निर्णयाविरोधात व्यापाऱ्यांनी देशव्यापी बंद पुकारला असून त्यात जळगावातील दाणाबाजार, बाजार समिती बंद ठेवण्यासह दालमिल चालकांनीदेखील बंद पाळला. एकाच दिवसात करोडो रुपयांचा फटकाजळगावातील दाणाबाजारातून केवळ जळगाव जिल्हाच नव्हे तर संपूर्ण खान्देश, विदर्भ व मराठवाड्यात येथून माल जातो. त्यामुळे दिवसभरात येथे करोडो रुपयांची उलाढाल होत असते. या शिवाय जळगाव कृषी उत्पन्न बाजार समितीमधील धान्य बाजारातदेखील दररोज ठिकठिकाणाहून धान्य, कडधान्य, डाळींची आवक तसेच विक्री होत असते. मात्र शनिवारच्या बंदमुळे दोन्ही ठिकाणी व्यवहार न झाल्याने करोडो रुपयांचे व्यवहार ठप्प झाले. डाळींचे उत्पादन थांबलेजळगावातील दालमिलमध्ये मोठ्या प्रमाणात डाळींचे उत्पादन होऊन ती देशासह विदेशातही निर्यात होत असते. ७५ दालमिलच्या माध्यमातून दररोज जवळपास एक हजार टन डाळींचे उत्पादन येथे होत असते. मात्र शनिवारी दालमिल बंद ठेवण्यात आल्याने डाळींचे उत्पादन थांबले. त्यामुळे दाणाबाजार, बाजार समिती व दालमिलमधील पूर्ण उलाढाल ठप्प होऊन ७० करोड रुपयांचा फटका बसला. १०० टक्के बंदनॉन ब्रँडेड धान्य, डाळीवर पाच टक्के जीएसटी लावण्याचा निर्णय म्हणजे व्यापारी, शेतकरी, सामान्य नागरिक यांना वेठीस धरण्याचा प्रकार असल्याचा आरोप व्यापाऱ्यांनी केला आहे. सरकारच्या निर्णयाविरोधात पुकारण्यात आलेला बंद १०० टक्के यशस्वी झाल्याचेदेखील सांगण्यात आले. यामुळे करोडो रुपयांची उलाढाल ठप्प झाली असून सरकारने याचा विचार करावा व आपला निर्णय मागे घ्यावा, अशी मागणी जळगाव दालमिल ओनर्स असोसिएशनचे अध्यक्ष प्रेम कोगटा, दाणाबाजार असोसिएशनचे अध्यक्ष प्रवीण पागरिया, उपाध्यक्ष अशोक धूत, सचिव मुकेश लोटवला, जळगाव जिल्हा मार्केट यार्ड व्यापारी असोसिएशनचे अध्यक्ष अशोक राठी, शशिकांत बियाणी यांनी केली आहे.

लाईव्ह न्यूज :

डॉ. बाबासाहेब आंबेडकर जयंती

आशाताई अनंतात विलीन

'होर्मुझ'चे पाणी पुन्हा पेटणार?

भोंदू खरातचे काळे कारनामे

IPL मधले 'धुरंधर' कोण?

PM नरेंद्र मोदी

CM देवेंद्र फडणवीस

लोकमत ई-पेपर

शहरं

मनोरंजन

व्हिडीओ

जीएसटीFOLLOW

Read more

व्यापार : Petrol Diesel Price: जवळपास अर्ध्यावर येऊ शकतात पेट्रोल-डिझेलचे दर; पाहा कसे?

राष्ट्रीय : Petrol Diesel Price: पेट्रोल, डिझेल स्वस्त होणार? मोदी सरकारनं दर्शवली तयारी; सीतारामन यांचे स्पष्ट संकेत

सोलापूर : 'विठ्ठल' ने जीएसटी चे ८.५० कोटी भरले; कारखान्यांचे सर्व बँक खातेही झाले सुरू

नागपूर : २,५६३ कोटींचे बोगस ‘जीएसटी बिल’ रॅकेट उघडकीस

नागपूर : नागपुरात 2,563 कोटींचे बोगस ‘जीएसटी बिल’ रॅकेट उघडकीस

नागपूर : नागपूर विभागात पकडले बनावट बिलांचे रॅकेट

राष्ट्रीय : पेट्रोल-डिझेलचा अंतर्भात GST मध्ये करणार का?; अनुराग ठाकुर म्हणाले, यासाठी तर...

व्यापार : पॅन, KCC, GST आणि FD संबंधित 'ही' सात कामे 31 मार्चपूर्वी पूर्ण करा, अन्यथा...

राष्ट्रीय : Kerala Assembly Election 2021: ...तर पेट्रोल, डिझेल जीएसटीच्या कक्षेत आणू, ६० रुपये लीटर दरानं देऊ; भाजप नेत्याची मोठी घोषणा