फ्रान्सFOLLOW

फ्रान्सचे राष्ट्रपती इमॅन्युएल मॅक्रॉन यांचा एक व्हिडिओ सोशल मीडियावर जबरदस्त व्हायरल होत आहे. व्हिडिओमध्ये मॅक्रॉन यांची पत्नी त्यांना थापड मारताना दिसत आहे. या व्हिडिओमुळे फ्रान्सचे राष्ट्रपती भवन द एलिसी पॅलेसमध्ये खळबळ उडाली आहे. इमॅन्युएल मॅक्रॉन यांचा हा व्हिडिओ व्हिएतनामची राजधानी हनोईचा आहे. येथे मॅक्रॉन पत्नी ब्रिजिट मॅक्रॉनसह राजकीय दौऱ्यावर आहेत. या घटनेनंतर, इमॅन्युएल मॅक्रॉन आपला चेहरा लपवतानाही दिसत आहेत.हा व्हिडिओ रविवारचा (२५ मे २०२५) असल्याचे बोलले जात आहे. फ्रान्सचे राष्ट्राध्यक्ष इमॅन्युएल मॅक्रॉन हे फर्स्ट लेडीसह हनोईमध्ये पोहोचताच विमानाचा दरवाजा उघडतो, याच वेळी ब्रिजिट मॅक्रॉन राष्ट्रपती मॅक्रॉन यांच्या चेहऱ्यावर मारताना आणि ढकलताना दिसत आहेत. याच वेळी, इमॅन्युअल मॅक्रॉन यांच्या लक्षात येते की, कॅमेरामन आणि मीडिया बाहेर उभा आहे. तेव्हा ते थोडे गडबडतात. मात्र, लगेचच स्वतःला सावरत हसून माध्यमांकडे हात हलवतात आणि नंतर विमानात जातात. यानंतर, ते विमानातून खाली उतरले. मात्र, एकमेकांचा हात धरून खाली उतरले नाही. महत्वाचे म्हणजे, त्यावेळी इमॅनुअल मॅक्रॉन थोडे अस्वस्थही वाटत होते. फ्रेंच राष्ट्रपती राजवाडा एलिसी पॅलेसने सुरुवातीला विमानात असे काही घडले असल्याचे नाकारले होते. मात्र नंतर, हे जोडप्यातील किरकोळ भांडण होते. एलिसी हाऊसमधील सूत्रांनी दिलेल्या माहितीनुसार, अध्यक्ष इमॅन्युएल मॅक्रॉन एकमेकांची थट्टा करत होते आणि त्यांची छेड काढत होते. फ्रान्सचे राष्ट्राध्यक्ष मॅक्रॉन यांच्या एका जवळच्या मित्राने याला पती-पत्नीमधील सर्वसाधारण भांडण असे म्हटले आहे.खरे तर, इमॅन्युएल मॅक्रॉन आणि ब्रिजिट मॅक्रॉन यांची प्रेम कहाणी प्रसिद्ध आहे. दोघांमध्ये २४ वर्षांचे अंतर आहे. इमॅन्युएल मॅक्रॉन १५ वर्षांचे असताना ३९ वर्षीय ब्रिजिट यांच्या प्रेमात पडले होते. ब्रिजिट आधीच विवाहित होत्या आणि त्यांना तीन मुलेही होती. ब्रिजिट मॅक्रॉन यांनी एका मुलाखतीत सांगितले होते की त्या एका कॅथोलिक शाळेत शिक्षिका होती आणि इमॅन्युएल त्यांचा विद्यार्थी होता. ब्रिजिट यांनी पहिल्या पतीला घटस्फोट दिला आणि दोघांनीही २००६ मध्ये लग्न केले. त्यावेळी इमॅन्युएल मॅक्रॉन २९ वर्षांचे होते.

लाईव्ह न्यूज :

नगरपरिषदांचे निकाल LIVE

महा(पालिका)संग्रामाचा 'धुरळा'

फडणवीसांचं 'मिशन इलेक्शन'

ठाकरेंची एकी, मविआत फूट

शिंदेंसेनेचं 'बार्गेनिंग'

PM नरेंद्र मोदी

लोकमत ई-पेपर

शहरं

मनोरंजन

व्हिडीओ

फ्रान्सFOLLOW

फ्रान्स हा युरोप खंडातील एक महत्त्वाचा देश आहे. या देशात फुटबॉल खेळणाऱ्यांची संख्या मोठी आहे.

Read more

व्यापार : 'या' क्षेत्रात भारत अमेरिका-रशिया आणि फ्रान्सच्या पुढे; पाकिस्तानचं तर यादीत नावही नाही

आंतरराष्ट्रीय : ही आहे भारताची ताकद; जर्मनी-फ्रान्सचा पाकिस्तानबाबत मोठा निर्णय, जाणून घ्या...

राष्ट्रीय : सीमेवरील तणावादरम्यान भारताचं मोठं पाऊल, राफेल-एम विमानांसाठी फ्रान्ससोबत करार, अशी आहेत वैशिष्ट्ये

आंतरराष्ट्रीय : भारत-फ्रान्स यांच्यात आज होणार Rafale-M jetsचा करार; भारतीय नौदल होणार अधिक सामर्थ्यवान

व्यापार : अ‍ॅपल कंपनीला १३,८८,०४,००,००० कोटींचा दंड; डेटा गोपनीयतेशी संबंधित प्रकरण

आंतरराष्ट्रीय : जग तिसऱ्या महायुद्धाच्या उंबरठ्यावर...; रशियाविरोधात युरोप कशी करतोय तयारी?

व्यापार : रतन टाटांच्या पावलावर पाऊल? माळीबुवाच्या नावावर केली ५० हजार कोटींची संपत्ती

फॅक्ट चेक : Fact Check: नरेंद्र मोदींनी फ्रान्समध्ये 'टॅक्सी'तून प्रवास केल्याचा 'तो' दावा खोटा

लोकमत शेती : Maval Rose Farming : 'व्हॅलेंटाइन डे' निमित्त मावळातून दोन कोटी गुलाब सातासमुद्रापार