उल्हासनगर : शहाड फाटक परिसरात राहणाऱ्या रोहित कांगोरे याचा डोक्यात लहान भावाने दगड घालून हत्या केल्याचा प्रकार शुक्रवारी दुपारी घडली. पोलिसांनी लहान भाऊ अमित कांगोरे याला अटक केली असून अनैतिक संबंधाच्या संशयेतून हत्या केल्याची माहिती पोलिसांनी दिली.
उल्हासनगर कॅम्प नं-१ शहाड फाटक परिसरात रोहित रमेश कांगोरे व अमित रमेश कांगोरे हे भाऊ कुटुंबासह राहतात. शुक्रवारी दुपारी दिड वाजण्याच्या सुमारास दोन्ही भावात तू तू मैं मैं होऊन रागाच्या भरात अमित याने जातेचा दगड मोठा भाऊ रोहित याच्या डोक्यात घातला. याप्रकारने बेशुद्ध झालेल्या रोहित याला मध्यवर्ती रुग्णालयात उपचारासाठी नेले. मात्र डॉक्टरांनी तपासून रोहित याचा मृत झाल्याचे सांगितले. उल्हासनगर पोलीस ठाण्याचे वरिष्ठ पोलीस निरीक्षक दीपक फुलपगारे यांनी तपासाचे चक्र जलद फिरवीत आरोपी भाऊ अमित कांगोरे याला अटक केली. अनैतिक संबंधाच्या संशयातून लहान भावनेच मोठ्या भावाचा खून केल्याची माहिती वरिष्ठ पोलीस निरीक्षक दीपक फुलपगारे यांनी दिली आहे.
उल्हासनगर पोलीस ठाण्यात अमित कांगोरे यांच्यावर खुनाचा गुन्हा दाखल केला असून त्याला अटक केली. मृत रोहित कांगोरे यांचे शवविच्छेदन केल्यानंतर मृतदेह नातेवाईकांच्या ताब्यात देणार असल्याची वरिष्ठ पोलीस निरीक्षक दीपक पगारे यांनी दिली असून अधिक तपास उल्हासनगर पोलीस करीत आहेत.