- सदानंद नाईक उल्हासनगर - चाईल्ड हेल्प लाईनवरील माहितीनुसार महिला बाळकल्याण विभाग व हिललाईन पोलिसांनी सोमवारी भाटिया चौकातील बालविवाह रोखण्यात यश आले. याप्रकरणी पोलिसांनी नवऱ्यासह १० जणावर गुन्हा दाखल केला असून अल्पवयीन वधुची चाईल्ड हॉम मध्ये रवानगी केली.
उल्हासनगर कॅम्प नं-५, भाटिया चौक, ओटी सेकशन येथील एका हॉल मध्ये सोमवारी दुपारी बालविवाह होत असल्याची माहिती चाईल्ड हेल्प लाईनवरून एका अज्ञात व्यक्तीने दिले. त्यानुसार महिला व बालकल्याण विभाग अधिकारी व पोलिसांनी थेट लग्न मंडपात धडक देत नवरी मुलीच्या वयाचे कागदपत्रे तपासली. तेंव्हा नवरी १६ वर्ष ३ महिने असल्याचे उघड झाल्यावर अल्पवयीन नवरी मुलीला चाईल्ड होम मध्ये पाठविण्यात आले. तर नवरा याच्यासह त्याचे आई-वडील, नवरी मलीचे आई-वडील तसेच लग्न जोडणारे ५ मध्यस्थी असे १० जणावर हिललाईन पोलीस ठाण्यात बाल प्रतिबंधक कायद्यान्वये गुन्हा दाखल केला. असी माहिती वरिष्ठ पोलीस निरीक्षक अनिल जगताप यांनी दिली. याप्रकरणी अधिक तपास पोलीस करीत आहेत.