उल्हासनगर महापालिकेचे स्वच्छ दिवाळी, शुभ दिवाळी अभियान अंतर्गत स्वाक्षरी मोहीम

नागरिकांनी स्वाक्षरी अभियानात सहभागी होण्याचे आवाहन आयुक्त अजीज शेख यांनी केले आहे. 

उल्हासनगर : केंद्र शासना मार्फत स्वच्छ दिवाळी, शुभ दिवाळी अभियान अंतर्गत महापालिका जनजागृतीसाठी स्वाक्षरी अभियान राबविणार आहे. त्यासाठी नागरिकांनी स्वाक्षरी अभियानात सहभागी होण्याचे आवाहन आयुक्त अजीज शेख यांनी केले आहे. 

उल्हासनगरातील हवेची गुणवत्ता शेजारील शहरा पेक्षा जास्त खालावली असून हवेची गुणवत्ता सुधारण्यासाठी महापालिका विविध उपाययोजना राबविणार आहे. दरम्यान केंद्र शासनामार्फत स्वच्छ दिवाळी- शुभ दिवाळी अभियान राबवित असून त्या अभियान अंतर्गत महापालिका स्वाक्षरी अभियान राबविणार आहे. त्याच बरोबर सिंगल युज प्लास्टिकचा वापर टाळणे, पर्यावरणपूरक स्थानिक उत्पादनांचा वापर करणे, प्रदुषणमुक्त व पर्यावरणपुरक दिवाळी साजरी करणे आदी बाबींचा समावेश आहे. या मोहिमे दरम्यान स्वाक्षरी मोहीम महापालिका राबविणार आहे. 

स्वाक्षरी मोहिमेत महाराष्ट्र राज्य देशात प्रथम क्रमांकावर राहण्यासाठी आपण आपला सहभाग नोंदवावा तसेच इतर नागरिकांनाही यात सहभागी होण्याचे आवाहन आयुक्त अजीज।शेख, अतिरिक्त आयुक्त जमीर लेंगरेकर आदींनी केले आहे. महापालिकेने स्वाक्षरी अभियानसाठी एक लिंक दिली असून त्यावर आपली माहिती भरल्यास, आपण स्वाक्षरी मोहिमेत सहभाग घेतल्याचे प्रमाणपत्र प्राप्त होणार आहे.