ठळक मुद्देनौपाडा पोलीस ठाण्यात गुन्हा दाखलनातेवाईकांचा शोध सुरु
लोकमत न्यूज नेटवर्कठाणे: अज्ञात वाहनाच्या धडकेने ५५ ते ६० वर्षीय पादरचा-याचा मृत्यु झाल्याची घटना नितीन कंपनीजवळील उड्डाणपूलाजवळ शनिवारी सकाळी घडली. अपघातग्रस्त मृतदेहाची ओळख पटली नसून त्याच्या नातेवाईकाचा शोध घेण्यात येत असल्याचे नौपाडा पोलिसांनी सांगितले.नितीन कंपनी ते माजीवडा मार्गावर १३ जून रोजी सकाळी ६ वाजण्याच्या सुमारास हा अपघात झाला. भरघाव वेगाने आलेल्या अज्ञात वाहनाच्या धडकेने या पादचा-याचा जागीच मृत्यु झाला. सध्या ठाणे जिल्हा शासकीय रुग्णालयात हा मृतदेह ठेवण्यात आला आहे. हिरवा टी शर्ट, काळी पॅन्ट, मध्यम बांधा असलेल्या या व्यक्तीची माहित असणाऱ्यांनी नौपाडा पोलिसांशी ०२२- २५४२३३०० अथवा ९७६६०४२०९६ या क्रमांकावर संपर्क साधावा असे आवाहन पोलीस उपनिरीक्षक अनिकेत पोटे यांनी केले आहे.